गोरखपुर जिला के राजघाट थाना के छत से गिर के सिपाही के मौत हो गइल। पुलिस लाश के कब्जा में ले के पोस्टमार्टम खातिर भेज दिहलें। जानकारी के अनुसार, बलिया के बासडीह निवासी 25 वर्षीय सिपाही अभिषेक सिंह पुत्र अखिलेश्वर सिंह गोरखपुर में तैनात रहनें।
ऊ 2021 बैच के सिपाही रहनें। वर्तमान में उनकर तैनाती राजघाट थाना के बसंतपुर चौकी पर रहलें। ऊ राजघाट में 10 महीना से तैनात रहनें। रोजाना के तरह ऊ थाना के बैरक के पहिला तल पर सोमार के रात सूतल रहलें।
मंगर के भोर में शरीर असंतुलित हो गइल अउर ऊ पहिला तल से नीचे गिर गइलें। उनके अस्पताल ले जाइल गइल, जहवाँ उनकर मौत हो गइल। अभीन उनकर शादी नाइ भइल रहे। मौत से पुलिसकर्मियन में शोक के माहौल बा। घटना के जानकारी परिजन के दे दीहल गइल बा।
