गोरखपुर के बीटेक स्टूडेंट आराध्या तिवारी रचली इतिहास, गूगल में मिली ५६ लाख पैकेज पs नौकरी
आराध्या तिवारी मूल रूप से संत कबीनगर के गोठवां गाँव के निवासी हई। उनकर बाबूजी गोरखपुर कोर्ट में वकील आ माई गृहिणी हई। सेंट जोसेफ स्कूल से 12वीं तक पढ़ाई पूरा कईली। एकरा बाद मदन मालवीय यूनिवर्सिटी ऑफ टेक्नोलॉजी से कम्प्यूटर साइंस में बी.टेक कइली।
गोरखपुर : अब ले रउआ सुनले होखब कि आईआईटी, आईआईएम जईसन बड़ संस्थान के छात्र के ही भारी वेतन पैकेज दिहल जाला। लेकिन इ जरूरी नईखे कि हर बेर सिर्फ बड़ संस्थान के छात्र जीते। छोट शहर में पढ़े वाला लइका-लइकी भी तेजी से प्रगति कs रहल बाड़े। अइसने एगो मामिला गोरखपुर से बा। इहाँ गूगल मदन मालवीय यूनिवर्सिटी ऑफ टेक्नोलॉजी (एमएमएमयूआईटी) से कंप्यूटर साइंस में बीटेक के छात्रा आराध्या तिवारी के ५६ लाख रुपिया के वेतन पैकेज देले बा। एमएमएमयूआईटी के इतिहास में पहिला बेर इहाँ के कवनो छात्र के एतना बड़ प्लेसमेंट मिलल बा। आराध्या के स्केलर एकेडमी के ओर से ३२ लाख रुपिया के ऑफर भी मिलल, जवना के उ ठुकरा देली अवुरी गूगल के ऑफर के स्वीकार कs लेली।
आराध्या तिवारी के पिता मूल रूप से संत कबीर नगर के मगहर इलाका के गोठवां गांव के रहे वाला गोरखपुर के सिविल कोर्ट में वकील हउवें। बचपन से तेज आराध्या 12वीं तक सेंट जोसेफ स्कूल, गोरखपुर में पढ़ाई कइले। एकरा बाद एमएमएमयूआईटी में दाखिला लेली। बतावल जाता कि एकरा से पहिले उ स्केलर एकेडमी में ५५ हजार रुपिया महीना के दर से इंटर्नशिप पूरा कईले रहली। उनुकर निमन काम देख के अकादमी उनुका के ३२ लाख रुपिया के सालाना पैकेज देवे के पेशकश कईलस। एह दौरान उनुका गूगल से एगो ऑफर भी मिलल जवना के उ स्वीकार कs लेली। आराध्या गूगल में सॉफ्टवेयर डेवलपमेंट इंजीनियर के काम करीहें। गुगल में एह स्थिति के बहुते सम्मान से देखल जाला।
ई लिंक्डइन प्रोफाइल पs लिखल गइल बा
आराध्या तिवारी अपना लिंक्डइन प्रोफाइल पs लिखले बाड़ी कि उनुका React.JS, React Redux, NextJs, टाइपस्क्रिप्ट, NodeJs, MongoDb, ExpressJS आ एससीएसएस जइसन कई गो टेक्नोलॉजी स्टैक पs मजबूत पकड़ आ अनुभव बा। आराध्या के कहनाम बा कि उनुका डाटा स्ट्रक्चर अवुरी एल्गोरिदम में बहुत रुचि बा अवुरी उ अलग-अलग कोडिंग प्लेटफॉर्म पs 1000 से जादे सवाल के हल क चुकल बाड़ी अवुरी उनुका पs बढ़िया रेटिंग बा।
Comments are closed.