जा रहल बानीं दुनिया छोड़ के: रोडवेज के सहायक टीआई बेटा के व्हाट्सएप पर ई कइलें मैसेज…अउर खत्म कs लिहनें जिंदगी

पीलीभीत जिला में सहायक यातायात निरीक्षक के पद पर तैनात 55 वर्षीय रामपाल सिंह जहरीला पदार्थ खा के जान दे देहलें। एसे पहिले ऊ अपने बेटा के व्हाट्सएप पर मेसेज कइल कि हम दुनिया छोड़ के जा रहल बानीं। बाद में बेटा कई कॉल कइलस, लेकिन ऊ रिसीव नाइ कइलें। उनकर शव कमरा में पडल मिलल।

सहायक यातायात निरीक्षक रामपाल सिंह मूलरूप से कन्नौज जिला के छिबरामऊ थाना क्षेत्र के गांव कुंवरपुर बनवारी के निवासी रहनें। परिवारवालन के मुताबिक दू महीना पहिले ऊ बदायूं में बुकिंग क्लर्क के पद पर तैनात रहनें। ओही दौरान उनकर सहायक यातायात निरीक्षक के पद पर प्रमोशन भइल रहे। तब उनकर पीलीभीत जिला में ट्रांसफर हो गइल।  फिलहाल ऊ रोडवेज बस स्टैंड के पीछे वाटरवर्क्स रोड पर ही किराया के मकान में रहत रहलें। ऊ इहवें से पीलीभीत खातिर आवत-जात रहनें।