G20 सर्वदलीय बैठक: चुनावी सरगर्मी खत्म होखले के बाद विपक्षी नेता लोग के संगे ठहाका लगावत दिखलें PM मोदी

भारत हालही में दुनिया के 20 प्रमुख अर्थव्यवस्था के संगठन जी-20 के अध्यक्षता सम्हरले रहे। सितंबर 2023 में भारत में जी-20 के शिखर सम्मेलन आयोजित कइल जाई। एकर तैयारियन के अंतिम रूप देवे के ले के प्रधानमंत्री नरेंद्र मोदी के नेतृत्व में सोमार के सर्वदलीय बैठक भइल।

एह दौरान पीएम एक-एक कs के राजनीतिक दल के प्रमुख नेता लोग के मिलले। एहमें कांग्रेस नेता मल्लिकार्जुन खरगे से ले के आम आदमी पार्टी के अरविंद केजरीवाल तक शामिल रहनें। कार्यक्रम के जौन तस्वीर अब ले सोझे आइल बा, ओमें पीएम मोदी के संगे एह नेता लोग के हल्का-फुल्का पल साझा करत दिखाई दिहले बानें।