देश के सबसे बड़ ड्रोन शो: 15 मिनट में देखावल गइल 90 साल के स्वतंत्रता संग्राम, सतरंगी रोशनी से जगमगा उठल आसमान
आजादी के अमृत महोत्सव के तहत आयोजित काकोरी बलिदान दिवस पर सोमार के काकोरी कांड के सेनानियन के याद में रामगढ़ताल स्थित महंत दिग्विजय नाथ पार्क में ऐतिहासिक ड्रोन शो के आयोजन भइल।
750 ड्रोन मिलके 1857 से ले के 1947 तक देश के आजादी के लड़ाई के विभिन्न घटनाक्रम जइसे काकोरी ट्रेन ट्रेन एक्शन, स्वतंत्रता आंदोलन से जुड़ल क्रांतिकारियन के सजीव चित्रण कइल गइल।
750 ड्रोन कैमरा के माध्यम से संगीत, लेजर लाइट अउर रंग-बिरंगा कलाबाजी प्रस्तुत कs के अमर शहीदन के याद कइल गइल।
एकरे साथही देश के संसद भवन, गोरखनाथ मंदिर, अयोध्या आदि के भी ड्रोन के माध्यम से दिखावल गइल। भारत माता के अमर शहीदन के बलिदान अउर उनकर गाथा से पूरा आसमान रोशन हो गइल। अइसन बुझात रहे, जइसे ई सब घटना एही आसमान के निच्चे होत होखे। 15 मिनट के शो के समाप्ति के बाद भारत माता अउर अमर शहीदन के जयघोष से वातावरण गूंज गइल।
4155100cookie-checkदेश के सबसे बड़ ड्रोन शो: 15 मिनट में देखावल गइल 90 साल के स्वतंत्रता संग्राम, सतरंगी रोशनी से जगमगा उठल आसमान
Comments are closed.