इंग्लैण्ड क्रिकेट बोर्ड भारत का खिलाफ एक बेर के टेस्ट मैच के टीम के एलान कर दिहलसि. एही खिलाड़ियन के एह टीम में शामिल कइल गइल बा जवन हालही में न्यूजीलैंड का खिलाफ भइल टेस्ट सीरीज में खेलत रहुवे. भारत आ इंग्लैंड का बीच के टेस्ट मैच एक जुलाई से बरमिंघम के एजबस्टन में खेलल जाई. बेन स्टोक्स टीम के नेतृत्व करीहें.
केंट के विकेट कीपर बल्लेबाज सैम बिलिंग्स के भारत का खिलाफ बियफे का दिने शुरू होखे वाला पाँचवा टेस्ट मैच के टीम में शामिल कइल गइल बा. ऊ न्यूजीलैंड का खिलाफ तिसरका टेस्ट मैच में बेन फोक्स के जगह कोविड के रूप में खेललें. फॉक्स फिलहाल कोरोना से जूझ रहल बा। एकरा बावजूद भारत का खिलाफ होखे वाला टेस्ट मैच खातिर उनुका के टीम में शामिल कर लिहल गइल बा. उम्मीद बा कि तब तक फॉक्स ठीक हो जाई।
न्यूजीलैंड का खिलाफ टेस्ट सीरीज जीतला का बाद इंग्लैंड टीम
न्यूजीलैंड का खिलाफ तीसरा टेस्ट मैच ना खेले वाला जेम्स एंडरसन के भी एह टीम में शामिल कइल गइल बा. एह सीरीज में भारतीय टीम फिलहाल 2-1 से आगे बिया। पिछला साल भारतीय टीम में कोरोना के कई गो मामिला सामने अइला का बाद पाँच गो मैच के टेस्ट सीरीज के आखिरी मैच टार दिहल गइल रहुवे आ फेर से तय कर दिहल गइल रहुवे. अब ई मैच खेलल जाई.
हालही में भारत लेस्टरशायर का खिलाफ महज एगो वार्मअप मैच खेललसि जवना के समापन बराबरी पर हो गइल. एकरा साथे नयका कप्तान बेन स्टोक्स के नेतृत्व में इंग्लैंड के टीम बेहतरीन फॉर्म में चलत बिया. तीन मैच के टेस्ट सीरीज में इंग्लैंड न्यूजीलैंड के 3-0 से हरा दिहलसि. इंग्लैंड तीनों टेस्ट मैच में 250 से अधिका के लक्ष्य के सफलतापूर्वक पीछा कइलसि.
जॉनी बेयरस्टो आ जो रूट दुनु जने बढ़िया फॉर्म में बाड़े
जेम्स एंडरसन भारत के खिलाफ भी रिकार्ड बना सकेलें। टेस्ट में ऊ 651 विकेट ले चुकल बाड़न जबकि स्टुअर्ट ब्रॉड क्रिकेट के सबले लमहर फॉर्मेट में 550 विकेट के निशान पार कर चुकल बाड़न. भारतीय टीम एह टेस्ट के जीत के विश्व टेस्ट चैम्पियनशिप फाइनल खातिर आपन दावा मजबूत कइल चाहत बिया.
One addition for the fifth Test against @BCCI as @sambillings joins the squad! 🏴🏏#ENGvIND
— England Cricket (@englandcricket) June 27, 2022
भारत के खिलाफ टेस्ट के लिए इंग्लैंड की टीम:
बेन स्टोक्स (कप्तान), जेम्स एंडरसन, जॉनी बेयरस्टो, जो रूट, सैम बिलिंग्स (विकेटकीपर), स्टुअर्ट ब्रॉड, हैरी ब्रूक, जैक क्रॉली, बेन फोक्स (विकेटकीपर), जैक लीच, एलेक्स लीज, क्रेग ओवरटन, जेमी ओवरटन, मैथ्यू पॉट्स, ओली पोप।
भारतीय टेस्ट टीम:
रोहित शर्मा (कप्तान), शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत (विकेटकीपर), केएस भरत (विकेटकीपर), रविंद्र जडेजा, रविचंद्रन अश्विन, शार्दुल ठाकुर, मोहम्मद शमी, जसप्रीत बुमराह, मोहम्मद सिराज, उमेश यादव, प्रसिद्ध कृष्णा, मयंक अग्रवाल।
