अमेरिका के दक्षिण टेक्सास के सैन एंटोनियो शहर में खड़ा एगो ट्रक में 46 लोग के लाश मिलला पर बवाल मच गइल बा. सभे जनता के प्रवासी बतावल जाता। कुछ रिपोर्ट में ए गाड़ी के ट्रैक्टर-ट्रेलर बतावल गईल बा। अधिकारी के मुताबिक ट्रक में मौजूद 15 अवरू लोग के गंभीर हालत में अस्पताल भेज दिहल गईल बा।
स्थानीय टेलीविजन न्यूज चैनलन के खबर बा कि सैन एंटोनियो में एगो रेलवे ट्रैक का लगे एगो संदिग्ध ट्रक खड़ा मिलल बा. ई बात तब पता चलल जब गाड़ी के तलाशी लिहल गइल. ट्रक चालक फरार बा। मरेवाला के पहचान नईखे हो पावल। सैन एंटोनियो अमेरिका-मेक्सिको सीमा से लगभग 250 किलोमीटर दूर बा।
एह जानकारी का बाद मेक्सिको के विदेश मंत्री मार्सेलो एब्रार्ड कहले कि हमनी के अधिकारी सैन एंटोनियो खातिर रवाना हो गइल बाड़े. ओने सैन एंटोनियो के केएसएटी टेलीविजन के खबर बा कि दक्षिण टेक्सास में प्रवासी तस्करी का दौरान एह लोग के मौत हो गइल बा.
अमेरिकी मीडिया के मुताबिक, लाश से भरल गाड़ी सैन एंटोनियो शहर के दक्षिणी बाहरी इलाका में एगो दूरस्थ इलाका में रेलवे पटरी के नजदीक खड़ा रहे। सैन एंटोनियो पुलिस एह बारे में आधिकारिक तौर पर कुछ नइखे कहले. सैन एंटोनियो में मैक्सिकन जनरल कॉन्सुलेट के कहना बा कि महावाणिज्य दूतावास रूबेन मिनुट्टी मौका पर निकल गइल बाड़न.
मारल गईल लोग के राष्ट्रीयता के बारे में पता ना चलल
मेक्सिको के विदेश मंत्री मार्सेलो एब्रार्ड एह मामिला पर आपन जवाब दिहले बाड़न. ट्वीट क के उ एकरा के टेक्सास में त्रासदी यानी टेक्सास के त्रासदी बतवले बाड़े। एकरा संगे-संगे स्थानीय वाणिज्य दूतावास मौका प पहुंच रहल बतवनी। हालांकि मरल मिलल सभ लोग के राष्ट्रीयता के पुष्टि नईखे हो पावल। पिछला कुछ महीना में रिकार्ड संख्या में प्रवासी अमेरिका-मैक्सिको सीमा पार कइले बाड़े. एकरा के देखत जो बाइडेन सरकार के आप्रवासन नीति के आलोचना हो रहल बा.
(सौजन्य से – सिंडिकेट फीड)
Comments are closed.