बिहार के पूर्वी चंपारण जिला में रक्सौल अंतर्गत रामगढ़वा थाना क्षेत्र के नारिरगिर चौक के लग्गे सुक्क के साँझ के ईंट भट्ठा के चिमनी में अइसन जबरदस्त विस्फोट भइल कि 10 लोग मौत हो गइल। 15 लोग बाउर तरीका से जख्मी हो गइलें, जबकि 10 से ज्यादा लोग के खोजबीन चल रहल बा। मारल गइल लोग में ईंट भट्ठा के मालिक मोहम्मद इरशादो शामिल बानें।
सनीचर सुबह ले लापता के खोज जारी
एह साल चिमनी पहिला बेर फूंकल जात रहे अउर एही मौका पर उद्घाटन के समय ई विस्फोट भइल। प्रत्यक्षदर्शियन के अनुसार चिमनी में जरूरत से ज्यादा लकड़ी भरने से आग अउर धुआं के प्रेशर जियादा बनले से तेज धमाका भइल। उद्घाटन में जुटल गाँव वालन के भीड़ पs चिमनी टूटकर गिरल अउर एहमें दबल लोग छटपटा भी नाइ पवलें। गरम अउर भारी चिमनी के भितरी 10 लोग के मौत हो गइल।
धमाका के कारण मचल अफरातफरी के बीचही पुलिस-प्रशासन के मदद से 15 लोग के रामगढ़वा अस्पताल भेजल गइल। ओमें से गंभीर हालात वालन से रक्सौल के एसआरपी हॉस्पिटल भेजल गइल।
अफरातफरी सम्हरले के बाद 10 से जियादा लोग के लापता होखले के जानकारी सामने आइल बा। सनीचर सुबह तक लोग एक-दूसरे से इनके बारे में पूछताछ कs रहल बानें।
Comments are closed.