नवागत डीएम प्रेम रंजन सिंह बियफ़े के कलेक्ट्रेट के सब कार्यालयन के निरीक्षण कइलें। उ रिकार्ड के बेहतर तरीका से सुरक्षित रखले के संगही कर्मचारियन से परिचय लिहलें।
डीएम नजारत, अभिलेखागार, शस्त्रागार सहित दूसर कार्यालयन पर कार्यरत अधिकारी, कर्मचारी अउरी पटल प्रभारी से लंबित पत्रावलियन के बिना लेट कइले समाधान कइले अउरी कौनो भी पत्रावली के अनावश्यक रूप से पटल पर न रोके के निर्देश दिहलें।
उ कहलेंकि जौन भी शिकायत बा, ओकरे नियमानुसार गुणवत्तापरक निस्तारण कइल जाव। उ कर्मचारियन के उपस्थित पंजिका सहित सब आवश्यक दस्तावेजन के जांच कइलें। डीएम कहलें कि शासन के मंशा के अनुरूप सब अधिकारी अउरी कर्मचारी समय से कार्यालय आवें। एह दौरान एडीएम मनोज कुमार सिंह, ओएसडी बलदाऊ शर्मा समेत अन्य लोग मौजूद रहल।
