दिल्ली पुलिस जल्दिए एक्के रंग से पहचानल जाई। केंद्रीय गृहमंत्री अमित शाह के आदेश पर दिल्ली पुलिस ई कदम उठा रहल बा। दिल्ली पुलिस आयुक्त संजय अरोड़ा रंग अउर डिजाइन सुनिश्चित करे खातिर उच्चस्तरीय कमेटी बनवले बानें। कमेटी में सब पुलिस उपायुक्त अउर विशेष पुलिस आयुक्त स्तर के अधिकारी शामिल बानें। रंग तय होखे के करीब एक महीना बाद पुलिस वाहन, थाना, पुलिस चौकी अउर। अन्य यूनिट के इमारत अउर बैरिकेड के रंग एक जइसन होई। एसे आम लोग आसानी से पुलिस थाना अउर वाहन के पहचान कर सकेंगे।
दिल्ली पुलिस के एक वरिष्ठ अधिकारी बतवलें कि गृहमंत्री अमित शाह हाल ही में पुलिस मुख्यालय आइल रहनें। एह दौरान ऊ आदेश दिहले रहनें कि सब पुलिस भवन, चौकियन अउर चल संपत्तियन के मानकीकरण कs के एकरूपता प्रदान करे के चाहीं। थाना के रंग, बोर्ड, गाड़ी, मोटरसाइकिल, थाना के खाली जगह का उपयोग इत्यादि में एकरूपता होखे के चाहीं। एह उद्देश्य खातिर युवा पुलिस उपायुक्त पुलिस अधिकारियन के जिम्मेदारी सौंपल जाए के चाहीं।
केंद्रीय गृहमंत्री के एह आदेश के बाद दिल्ली पुलिस आयुक्त संजय अरोड़ा एक कमेटी बना दिहले बानें। पुलिस आयुक्त दिल्ली पुलिस हाउसिंग कॉरपोरेशन लिमिटेड के बीपीआरएंडडी के संगे मिल के एक्शन प्लान तैयार करे के कहल गइल बा।
कमेटी थीम अउर रंग के रूपरेखा तैयारी करी
पुलिस अधिकारी बतवलें कि पुलिस अधिकारियन के कमेटी थीम, रंग व पैटर्न के डिजाइन के रूपरेखा तैयार करी। आम लोग के सहूलियत खातिर पुलिस स्टेशन, पोस्ट, बूथ, वाहन, इमारत अउर बैरिकेड के एक अलग शक्ल कइल जाई। एहसे पुलिस अउर आम नागरिकन के बीच नजदीकी बढ़ी। लोग के रंग से पता लग जाई कि ई पुलिस थाना ह। हालांकि, बतावल जा रहल बा कि ई कमेटी पुलिस आयुक्त के पहिला एक्शन प्लान दे दिहले बा। अधिकारिक सूत्र बतवलें कि कमेटी तीन रंग अउर डिजाइन तैयार तय कs लेहले बा।
