एजुकेशन डेस्क: जयप्रकाश विश्वविद्यालय फर्स्ट सेमेस्टर के छात्रन के राहत देले बा। विश्वविद्यालय फॉर्म जरूरी दस्तावेज जमा करे के तारीख 20 मार्च तक खातिर बढ़ा देले बा। कुलपति प्रोफेसर धर्मेंद्र कुमार बाजपेई होली के छुट्टियन के देखत ई निर्णय लेले बाड़ें। पहिले ई डेडलाइन 17 मार्च रहे। परीक्षा विभाग सब महाविद्यालयन के एह संबंध में पत्र जारी कs देले बा।
परीक्षा नियंत्रक अशोक कुमार मिश्रा के अनुसार, अंडरग्रेजुएट सीबीसीएस प्रथम सेमेस्टर (2024-2028) के छात्रन के अपना सब मूल दस्तावेज कॉलेज में जमा करे के होई। छात्र संगठन होली के छुट्टियन के कारण समय कम होखे के बात कहल गइल रहे। एही के देखत डेडलाइन बढ़ावल गइल बा।
छात्रन के मिली विशेष फायदा
सब कॉलेजन के 21 मार्च तक परीक्षार्थियन के परीक्षा प्रपत्र, विषयवार विवरणी आ सॉफ्ट कॉपी (डेटा) विश्वविद्यालय कार्यालय में जमा करे के होई। एह निर्णय से ओह छात्रन के विशेष फायदा मिली जे अभी ले आपन दस्तावेज जमा ना कs पाइल लो।
