CWG 2022: आठवें दिन भारत कुश्ती में 3 स्वर्ण, 1 रजत अउरी 2 कांस्य जितले, मनिका बत्रा अउरी महिला हॉकी टीम हारल

By कुमार आशू On Aug 6, 2022

भारत खातिर बर्मिंघम राष्ट्रमंडल खेलन के आठवां दिन पदकन के बारिश ले के आइल। आठवें दिन कुश्ती की शुरुआत भइल अउरी भारत के कई दिग्गज एथलीट्स एहमें दांव-पेंच लगावे खातिर मैट पर उतरलें। भारतीय फैंस के शुक्रवार के पदक अइले के उम्मीद त रहल, लेकिन खाली पदक आइल नाइ, बल्कि पदकन के बारिश भइल। भारत शुक्रवार तीन स्वर्ण, एक अउरी दो कांस्य समेत कुश्ती में कुल छह पदक जितले। एहसे भारत के कुल पदकन के संख्या 26 पहुंच गईल बा। पदक तालिका में भारतीय टीम फिलहाल पांचवें नंबर पर बा।

हालांकि, आठवें दिन भारत खातिर कुछ निराशाजनक नतीजा भी सामने आइल। 2018 गोल्ड कोस्ट कॉमनवेल्थ गेम्स के चैंपियन रहल टेबल टेनिस प्लेयर मनिका बत्रा महिला एकल के क्वार्टर फाइनल में हार गइल। एहसे एक स्वर्ण के उम्मीदन के झटका लागल बा। उहवें, भारतीय महिला हॉकी टीम सेमीफाइनल में हार गइल। अब महिला हॉकी टीम कांस्य पदक खातिर न्यूजीलैंड के टीम से भिड़ी।

पहले जानीं अब ले के बर्मिंघम राष्ट्रमंडल खेलन में भारत के पदकवीरन के बारे में

9 स्वर्णः मीराबाई चानू, जेरेमी लालरिनुंगा, अंचिता शेउली, महिला लॉन बॉल टीम, टेबल टेनिस पुरुष टीम, सुधीर (पावर लिफ्टिंग), बजरंग पूनिया, साक्षी मलिक, दीपक पूनिया।
8 रजतः संकेत सरगरी, बिंदियारानी देवी, सुशीला देवी, विकास ठाकुर, भारतीय बैडमिंटन टीम, तूलिका मान, मुरली श्रीशंकर, अंशु मलिक।
9 कांस्यः गुरुराजा पुजारी, विजय कुमार यादव, हरजिंदर कौर, लवप्रीत सिंह, सौरव घोषाल, गुरदीप सिंह, तेजस्विन शंकर, दिव्या काकरन, मोहित ग्रेवाल।