रेसलिंग के 53 Kg कैटेगरी में जीतली विनेश फोगाट, 48Kg वेट कैटेगरी बॉक्सिंग में नीतू के सेमीफाइनल जारी

By कुमार आशू On Aug 6, 2022

आज कॉमेनवेल्थ गेम्स के नौवां दिन ह। रेसलिंग के विमेंस फ्रीस्टाइल 53Kg कैटेगरी नॉर्डिक सिस्टम में विनेश फोगाट चामोड्या केशानी के चंद सेकंड में ही हरा देहलें बानें। भारत के नीतू बॉक्सिंग के 48Kg वेट कैटेगरी में कनाडाई प्रियंका ढिल्लन के खिलाफ सेमीफाइनल खेल रहल बाड़ी। नीतू कनाडाई बॉक्सर पर शुरुआती बढ़त बना लेहले बाड़ी।

शाम 4:30 बजे बैडमिंटन के विमेंस सिंगल्स के क्वार्टरफाइनल में पीवी सिंधु के मैच शुरु होई। मेंस फ्रीस्टाइल रेसलिंग के 57 kg वेट कैटेगरी में आपन क्वार्टरफाइनल मुकाबला खेले रवि दहिया दोपहर 3 बजे मैदान में उतरिहें।

बॉक्सिंग अउरी रेसलिंग जइसन खेल में हिंदुस्तान के पदकों के आस बा। दोपहर 3:30 बजे से विमेंस टी-20 क्रिकेट सेमीफाइनल्स में इंडिया अउरी इंग्लैंड के टक्कर होई।