प्रधानमंत्री नरेंद्र मोदी के हाथों नई दिल्ली में 5जी सेवा लॉचिंग के दौरान काशीवासियन के सौगात देवे खातिर मुख्यमंत्री योगी आदित्यनाथ शनिचर के वाराणसी अइहें। देश के प्रमुख शहरन के संगही वाराणसी में भी एह सेवा के शुभारंभ हो सकsता। रुद्राक्ष कंवेंशन सेंटर में आयोजित कार्यक्रम के दौरान मुख्यमंत्री योगी आदित्यनाथ 5जी सेवा देवे वाली कंपनियन के प्रदर्शनी के शुभारंभ करिहें। एकरे बाद प्रधानमंत्री नरेंद्र मोदी वर्चुअल माध्यम से मुख्यमंत्री योगी आदित्यनाथ से संवाद भी करिहें।
