महाराष्ट्र के राजधानी मुंबई के वेस्टर्न एक्सप्रेस हाईवे पs मंगलवार बिहाने एगो लग्जरी कार में आग लाग गइल। आग के लपट एतना तेज रहल कि स्थानीय लोग ओकरे निगचे गइले के भी कोशिश नाइ क पावत रहलें। लोग आग बुझवलें के कोशिश करते रहल कि एही दौरान महाराष्ट्र के मुख्यमंत्री एकनाथ शिंदे के काफिला भी गुजरत रहल। जइसही मुख्यमंत्री के नजर आग पर पड़ल ओइसही ऊ आपन गाड़ी रोक देहलें अउर मदद खातिर उतर गइलें।
फिर शिंदे कार ड्राइवर के लग्गे गइलें अउरी नाम पूछलें। फेर कार के लग्गे नाइ जाए के हिदायत दीहलें अउरी जात-जात मदद के आश्वासन दिहलें। उहवें कार के जरत देख ड्राइवर भावुक हो गइल अउरी सीएम शिंदे के सामने रोए लागल। ओहिजा दमकल विभाग के दोपहर 12.25 बजे आग लगले के सूचना मिलल। दमकल के दू गाड़ियन के मौका पs भेजल गइल अउरी आग पs काबू पावल गइल।
