सीएम हेमंत सोरेन झारखंड के 226 ब्लॉकन के कइलें सुखाड़ घोषित, 30 लाख से बेसी किसानन के मिली लाभ

Jharkhand News: मुख्यमंत्री हेमंत सोरेन के अध्यक्षता में आज सनीचर के कांके रोड रांची स्थित मुख्यमंत्री आवासीय कार्यालय में झारखंड राज्य आपदा प्रबंधन प्राधिकार के समीक्षा बैठक संपन्न भइल। बैठक में राज्य के 22 जिलन के 226 प्रखंडन के सूखाग्रस्त घोषित करे के निर्णय लिहल गइल। प्रति किसान परिवार के तत्काल सूखा राहत के लेके 3500 रुपिया दिहल जाई। 30 लाख से बेसी किसान परिवारन के एकर लाभ मिली।  एह प राज्य सरकार लगभग 1200 करोड़ रुपिया के खरचा करी।

30 लाख से बेसी किसानन के मिली लाभ

मुख्यमंत्री अधिकारियन के संगे राज्य में सुखाड़ के लेके कृषि विभाग द्वारा तइयार कइल गइल सूखा के आकलन रिपोर्ट प विचार-विमर्श करत महत्वपूर्ण निर्णय लेलें। मुख्यमंत्री कृषि विभाग द्वारा तइयार कइल गइल सूखा के आकलन रिपोर्ट प गंभीरता से विचार करत राज्य के चिन्हित 22 जिलन (पूर्वी सिंहभूम आ सिमडेगा छोड़के) के 226 प्रखंडन के प्रभावित किसान परिवारन के बड़ राहत देवे के घोषणा कइलें। मुख्यमंत्री कहलें कि सूखा के स्थिति के देखत 22 जिलन के 226 प्रखंडन के हर किसान परिवार के तत्काल सूखा राहत खातिर 3500 रुपिया  राशि दिहल जाई। एह 226 प्रखंडन के सब प्रभावित किसान परिवारन के ई राशि जल्दिये उपलब्ध करावल जाई। राज्य के लगभग 30 लाख से बेसी किसान परिवारन के एकर लाभ मिली।

1200 करोड़ रुपिया खर्च करी सरकार

मुख्यमंत्री कहलें कि कृषि विभाग द्वारा सुखाड़ के आकलन प्रतिवेदन के मोताबिक राज्य में 22 जिलन के 226 प्रखंड सूखा के चपेट में बा। अइसन में राज्य सरकार के नैतिक जिम्मेदारी बा कि प्रभावित किसान परिवारन के तत्काल सूखा राहत राशि उपलब्ध करावल जाई। मुख्यमंत्री कहलें कि राज्य के लगभग 30 लाख से बेसी किसान परिवार सूखा के चपेट में बा, जेकरा एकर लाभ मिल सकी। सूखा राहत राशि उपलब्ध करावे में राज्य सरकार लगभग 1200 करोड़ रुपिया खर्च करी। मुख्यमंत्री अधिकारियन के निरदेस दिहलें कि जल्दी राज्य में सूखा के स्थिति के आकलन के आधार प समेकित प्रतिवेदन तइयार क के केंद्र सरकार के अनुशंसा भेजत सूखा राहत राशि के मांग कइल जाई।

सूखा प्रभावित 22 जिलन के 226 प्रखंडों के सूची एह तरे बा…

जरीडीह, कसमार, पेटरवार, गोमिया, बेरमो, नावाडीह, कान्हाचट्टी, सिमरिया, तंडवा, इटखोरी,मयूरहंड, सरवाँ, सारठ, कैरों, देवघर, मोहनपुर, सोनारायठाडी, मधुुपुर, पालोजोरी, मारगोमुण्डा, देवीपुर गोविन्दपुर, टुण्डी, तोपचांची, धनबाद, बलियापुर, निरसा, कालियासोल, एग्यारकुण्ड, पूर्वी टुंडी, बाघमारा, जरमुण्डी, दुमका, जामा, मसलिया, रणेश्वर, शिकारीपाड़ा, सरैयाहाट, रामगढ़, काठीकुण्ड, गोपीकांदर,मेराल, डंडई, रमना, विशुनपुरा, भवनाथपुर, चिनियाँ, मझिआंव, सगमा, गढ़वा, डंडा, रांका, कंडी, धुर्की, बड़घर, नगर उंटारी, रामकंडा, बरडीहा, केतर, खरौंधी, भंडरिया, गाण्डेय, बेंगाबाद, जमुआ, धनवार, बगोदर, सरिया, डुमरी, पीरटांड़, गिरिडीह, बिरनी, तिसरी, देवरी, गावां, गोड्डा, पथरगामा, बसंतराय, महागामा, मेहरमा, बोवारीजोर, सुंदरपहाड़ी, पोडैयाहाट, ठाकुरगांगटी, गुमला, पालकोट, चैनपुर, डुमरी, जारी, कामडरा, सिसई, भरनो, बिशुनपुर, घाघरा, रायडीह, दाड़ी, बड़कागांव, केरेडारी, हजारीबाग, चूरचु, दारू, ईचाक, ताती झरिया, कटकमसांडी, बरही, चौपारण, बरकट्टा, चलकुसा, पदमा, बिशुनगढ़, नारायणपुर, कर्माटांड़, जामताड़ा, नाला, कुण्डहित, फतेहपुर, खूँटी, मुरहू, अड़की, कर्रा, तोरपा, रनिया, कोडरमा, जयनगर, मरकच्चो, डोमचांच, सतगांवा, महुआटांड़, गारू, हेरगंज, बरियातु, लातेहार, चंदवा, बालूमाथ, मनिका, बरवाडीह, लोहरदगा, सेन्हा, भंडरा, कुडू, कैरो, किस्को, पेशरार, पाकुड़िया, पाकुड़, हिरनपुर, लिट्टीपाड़ा, अमरापाड़ा, महेशपुर, मनातू, लेस्लीगंज, पांकी, मेदनीनगर, तरहस्सी, बिश्रामपुर, नवाबाजार, पाण्डू, पड़वा, हरिहरगंज, छतरपुर, नौडीबाजार, रामगढ़, चैनपुर, उटारी रोड, पाटन, सतबरवा, हैदरनगर, हुसैनाबाद, मोहम्मदगंज, पिपरा, दुल्मी, चितरपुर, माण्डू, पतरातू, गोला, माण्डर, बेड़ो, इटकी, ओरमांझी, नामकुम, अनगड़ा, सिल्ली, तमाड़, रातु, नगड़ी, बुड़मू, खलारी, लापुंग, बुण्डू, चान्हो, सोनाहातु बरहरवा, साहेबगंज, बोरियो, मंडरो, बरहेट, पतना, राजमहल, उधवा, तालझारी, सरायकेला, खरसावाँ, कुचाई, चाण्डिल, ईचागढ़, कुकडू, राजनगर, गम्हरिया, झींकपानी, टोंटो, जगन्नाथपुर, नवामुण्डी, मंझगांव, कुमरडुंगी, मंझरी, तांतनगर, चक्रधरपुर, सोनुवा, गोइलकेला, मनोहरपुर, बंदगांव, हाटगम्हरिया, गुदड़ी, चाईबासा, खूँटपानी, आनन्दपुर।

3657910cookie-checkसीएम हेमंत सोरेन झारखंड के 226 ब्लॉकन के कइलें सुखाड़ घोषित, 30 लाख से बेसी किसानन के मिली लाभno