फतेहपुर जिला में शिक्षकन के एक करोड़ 41 लाख 37 हजार तनखाह से परिषदीय स्कूलन के बच्चे फल खा गइलें। सत्र के शुरुआत से ही बजट के अभाव में शिक्षक अपने तनखाह से बचवन के फल बांट रहल बानें। बीएसए पूरा सत्र खातिर तीन करोड़ 82 लाख 53 हजार 948 के फल बजट मंगले बानें।
जिला के परिषदीय स्कूलन में तीन लाख चार हजार लइके पढ रहल बानें। एह बचवन के प्रति दिन तय मेन्यू के तहत दोपहर के पकल पकावल भोजन खियावल जाला। प्रत्येक सोमार के लइकन के एक ताजा फल देहले के प्रावधान बा। फल वितरण खातिर प्रति बच्चा मध्यान्ह भोजन प्राधिकरण चार रुपया भुगतान करsला।
