पश्चिम रेलवे के मुख्य जनसंपर्क अधिकारी सुमित ठाकुर कहनें कि घटना उदवाड़ा अउर वापी के बीच समपार फाटक संख्या 87 के लग्गे साँझ करीब छह बज के 23 मिनट पर भइल। कुछ देर रुकले के बाद साँझ 6.35 बजे ट्रेन दोबारा रवाना भइल। हालांकि हादसा के बाद यात्रियन के कौनो तरीका के नुकसान नाइ भइल अउर सब यात्री सुरक्षित बानें।
वंदे भारत एक्सप्रेस के साथ जानवर के टकरइले के ई कौनो पहिला मामला नइखे। वंदे भारत एहसे पहिलहू तीन बेर हादसा के शिकार हो चुकल बा। एहसे पहिले बंदे भारत 29 अक्टूबर के अतुल रेलवे स्टेशन के लग्गे सुबह 8 बजे बैल के टकरा गइल रहे।
6 अक्टूबर के जानवरन के झुंड से टकराइल रहे वंदे भारत
छह अक्टूबर के भारत के वंदे भारत सुबह 11 बजकर 18 मिनट पs हादसा के शिकार हो गइल रहे। ट्रेन वटवा अउर मणिनगर स्टेशन के नजदीक भैंसन के झुंड से टकरा गइल रहे। ई ट्रेन मुंबई से अहमदाबाद जात रहे।
