Ghaziabad: सुरक्षा गार्ड से अचानक चलल गोली, महिला के लागल; घटना स्थल पऽ पहुंचल पुलिस
अचानक साहिबाबाद के ज्वेलर्स के दोकान में तैनात सुरक्षा रक्षक के बंदूक से गोली चल गईल। सविता नाम के एगो महिला के लाग गइल बा।
गाजियाबाद के साहिबाबाद कोतवाली इलाका के लाजपत नगर में विकास ज्वेलर्स के लगे 50 बरीस के सविता के गोली लाग गइल। उनका के घायल हालत में मोहननगर के नरेंद्र मोहन अस्पताल में भर्ती करावल गइल।
पुलिस के जांच में पाता चलल कि विकास ज्वेलर्स के दोकान प सुरक्षा रक्षक कृष्णपाल के बंदूक से अचानक गोली चल गइल। जवन जमीन से टकरा के महिला के गोड़ में घुस गईल। सूचना के बाद एसीपी साहिबाबाद रजनीश उपाध्याय अवुरी कोतवाली प्रभारी अजय चौधरी टीम के संगे मौका पs पहुंचले। घायल महिला के हालत ठीक बा। डाक्टर के टीम उनकर इलाज कर रहल बा।
Comments are closed.