तेज गेंदबाज रेणुका ठाकुर आ स्पिनर राधा यादव के शानदार गेंदबाजी के आधार पs भारत बियफे के दिने भइल टी-20 महिला एशिया कप के सेमीफाइनल में बांग्लादेश के आठ विकेट पs 80 रन पs सीमित कs दिहलसि. पारी के शुरुआत में रेणुका लगातार चार ओवर गेंदबाजी कइली आ दस रन पs तीन गो विकेट ले लिहली. ऊ बांग्लादेश के टॉप ऑर्डर के हिला दिहली तs राधा अपना स्पिन से मिडिल ऑर्डर के बल्लेबाजन के नाचवा दिहली आ 14 रन पs तीन गो विकेट ले लिहली. बांग्लादेश खातिर कप्तान निगार सुल्ताना 51 गेंद में 32 रन बनवली जबकि शोर्ना अख्तर 19 नाबाद रन बनवली. दुनु जने सातवाँ विकेट खातिर 36 रन के साझेदारी बना के टीम के कठिन हालात से बाहर निकाल दिहलस।
बांग्लादेश टॉस जीत के बल्लेबाजी करे के फैसला कइलस बाकिर रेणुका पहिला ओवर में छक्का मारला के बाद दिलारा अख्तर के आउट कs दिहली. दिलारा एगो अउरी बड़हन शॉट खेलले बाकिर ऊ गहिराह मिडविकेट पs खड़ा उमा छेत्री के पार करे खातिर काफ़ी ना रहल. ऊ अपना अगिला दू गो ओवर में इश्मा तंजीम आ मुर्शिदा खातून के आउट कs दिहली जवना के चलते बांग्लादेश पावर प्ले में तीन विकेट पs महज 25 रन बना पवली. कप्तान सुल्ताना एक छोर से पारी संभाले के कोशिश कइलन. भारतीय गेंदबाज सातवाँ आ दसवाँ ओवर के बीच सात रन बनवले आ एह दौरान राधा रूमाना अहमद के आउट कs के शिकंजा कस दिहली.
बांग्लादेश के स्पिनरन के लगे भारतीय स्पिनरन के सटीक लाइन लंबाई के कवनो जवाब ना रहे. डिफेंडिंग चैंपियन भारत के फील्डिंग में बहुते सुधार भइल. पूजा वस्त्राकर के गेंद पs रबिया खान के डाइव लगा के शेफाली शानदार कैच ले लिहली. एकरा बाद सुल्ताना के शोर्ना के रूप में बढ़िया समर्थन मिलल आ दुनु जने 35 गेंद में 36 रन के साझेदारी बनवले जवना से टीम कुछ हद ले लड़ाई लड़े लायक स्कोर पs चहुँप गइल. राधा दीप्ति के फँसा के सुल्ताना के पवेलियन के रास्ता देखा दिहली। बांग्लादेश के कप्तान एह टूर्नामेंट में पहिला बेर आउट हो गइली. ऊ अपना 51 गेंद के पारी में दू गो चौका मार दिहली. शोर्ना अपना 18 गेंद के नाबाद पारी में दू गो चौका भी मारली।
Comments are closed.