रोहिणी आचार्य के जाए से भिखारी चौक पs काहे हंगामा मचल, गोली चले लागल

Raj Nandani

भिखारी चौक प भइल गोलीबारी में एक युवक के मौत हो गइल बा, जबकि बाकी दु लोग गंभीर रूप से घायल बाड़े। दुनो के प्राथमिक चिकित्सा के बाद पीएमसीएच रेफर क दिहल गइल बा। पुलिस मामला के छानबीन भी शुरू क देले बिया।

रोहिणी आचार्य के भिखारी चौक पs बूथ पs गइला के बाद विवाद पैदा हो गइल आ एकरा चलते मंगलवार के सबेरे भइल फायरिंग में एक आदमी के मौत हो गइल। संगही दु लोग गंभीर रूप से घायल हो गइले। दुनों घायल के प्राथमिक चिकित्सा के बाद पीएमसीएच रेफर क दिहल गइल बा। मरेवाला नगर थाना क्षेत्र के बड़ा तेलपा निवासी चंदन कुमार ह, जेकर उम्र 26 साल रहे। घायल में 30 साल के गुड्डू राय आ 40 साल के मनोज राय शामिल बाड़े। मनोज के कमर में गोली लागल बा जबकि गुड्डू के माथा में गोली लागल बा।

घटना के जानकारी मिलला पs मधौरा से पूर्व मंत्री सह राजद विधायक जितेंद्र राय सदर अस्पताल पहुंचले। पुलिस मामला के छानबीन भी शुरू क देले बिया। सारण के आयुक्त एम सरवनन आ पुलिस उप महानिरीक्षक विकास वैभव, जिला मजिस्ट्रेट अमन समीर आ पुलिस अधीक्षक डॉ गौरव मंगला समेत सैकड़ों पुलिस घटना स्थल प पहुंच के इलाका के छावनी में बदल देले।

Mpए मामला के बारे में पूर्व मंत्री सह राजद विधायक जितेंद्र राय कहले कि चुनाव के दिन देर रात भाजपा कार्यकर्ता के राजद उम्मीदवार डॉ. रोहिणी आचार्य के सोझा गाली-गलौज आ गाली-गलौज के इस्तेमाल के वीडियो वायरल होखता। एकरा बावजूद भाजपा के नेता कार्यकर्ता हवा में गोली चलावत रहले जबकि सबेरे भिखारी ठाकुर चौक प चाय पीये आइल युवक प गोलीबारी कइले। जवना में एक युवक के मौत हो गइल जबकि दु युवक बहुत घायल हो गइले।

Share This Article
Follow:
एगो भोजपुरिया चित्रकार, लेखिका आ भोजपुरी नवहा जेकर तन-मन अपना माई भाखा खातिर समर्पित बा। खबर भोजपुरी के पाठकन खातिर हम एहिजा देस-दुनिया, सिनेमा, राजनीति, स्वास्थ आ भोजपुरिया क्षेत्र के खबर रउआ सभे खातिर लेके आवेनी। रउआ सभे हमरा से rajnandani0021@gmail.com पs संपर्क कs सकेनी।