Bihar: लालू प्रसाद आ तेजस्वी यादव पटना लवटल लो, चार्जशीट पs डिप्टी सीएम कहलें- ई कवनो पहिला बेर नइखे भइल

Anurag Ranjan

आरजेडी सुप्रीमो लालू प्रसाद यादव आ डिप्टी सीएम तेजस्वी यादव सोमार के देर सांझ दिल्ली से पटना लवटल लो। लालू प्रसाद स्वास्थ संबंधी जांच खातिर दिल्ली गइल। लालू प्रसाद के संगे तेजस्वी यादवो पटना आ गइल बाड़ें। ऊ बिदेस गइल रहस। 10 जुलाई से बिहार विधानसभा के मानसून सत्र सुरू होखे वाला बा।

तेजस्वी यादव सीबीआई के ओर से चार्जशीट दायर करे के ममिला में कहलस कि ई कवनो पहिला चार्जशीट नइखे। हमनी लोग भाजपा के जब से भगवले बानी सs, तबे से बीजेपी साजिश कs रहल बिया। पहिला चार्जशीट 2017 में भइल। 2017 से अब 2023 हो गइल। एतना सालन तक एजेंसी कहां रहली सs? ई सभे के पता बा। देस के जनता सब जान रहल बिया।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।