रुपाली कइली बुर्का पहिनले से इनकार त इकबाल रेत देहलस गला, तीन साल पहिले कइले रहे प्रेम विवाह

बतावल गइल कि रूपाली इकबाल शेख से तीन साल पहिले प्रेम विवाह कइले रहली। एकरे बाद दूनों चेंबूर इलाका में स्थित इकबाल के घर में रहत रहनें। रूपाली चूंकि हिंदू रहली अउर शादी के बाद भी उ मुस्लिम रीति-रिवाज के पालन नाइ करत रहली, एहलिए इकबाल खुद अउरी ओकरे परिवारवाले ओसे खिसियाइल रहलें। इकबाल के परिजन रूपाली के बुर्का पहिनले खातिर दबाव डालत रहलें, लेकिन ऊ नाइ मानत रहली। एके ले के कलह होखे लागल रहे। एकरे बाद रुपाली अउरी इकबाल अलग रहे लागल रहलें । दंपती के एगो बेटा भी ह।

छह माह से अलग रहतहू भी दूनों के बीच फोन पर बातचीत होत रहे। हालांकि, इकबाल एह दौरान भी ओह पर मुस्लिम परंपरा के माने खातिर दबाव डालत रहे। रुपाली इकबाल के दूसरी पत्नी रहली। पहिला पत्नी के बच्चे नाइ होखले पर उ ओके तलाक दे दिहले रहनें।