Mainpuri: मैनपुरी में भीषण सड़क हादसा, घर में घुसल अनियंत्रित ट्रक, 4 लोगन के मौत, 5 घायल

मैनपुरी में सड़क किनारे एगो घर में ट्रक के टक्कर से 4 लोगन के मौत हो गइल, जबकि 5 लोग गंभीर रूप से घायल बा। हादसा में एगो सेवानिवृत्त सब-इंस्पेक्टर आ उनकर पत्नी के मौत हो गइल। ट्रक में सवार 2 लोगन के मौत हो गइल जबकि 5 लोग घायल हो गइले।

By Anurag Ranjan On Aug 16, 2022

Mainpuri: मैनपुरी में सरिया से लदल एगो ट्राला अनियंत्रित होके सड़क किनारे बनल एगो मकान में घुस गइल। एह हादसा में घर में सुतल एगो सेवानिवृत्त सब-इंस्पेक्टर आ उनकर पत्नी के मृत्यु हो गइल। जबकि ट्रक में सवार दु लोगन के भी मौत हो गइल। हादसा में कुल चार लोगन के मौत हो गइल। ओहिजा ट्रक पs सवार 5 लोग घायल बा, जेमे दु के हालत नाजुक बनल बा।

हादसा में कुल चार लोगन के हो गइल मौत

एसपी कमलेश दीक्षित बतवले कि सरिया से लदल एगो ट्रॉला अनियंत्रित होके सड़क किनारे बनल एगो मकान में घुस गइल। हादसा में घर पर सुतल एगो सेवानिवृत्त सब-इंस्पेक्टर आ उनकर पत्नी के मृत्यु हो गइल। एकरा अलावे ट्रक पs सवार 5 लोग घायल बा आ 2 लोगन के मृत्यु हो गइल बा। हादसा में कुल चार लोगन के मौत हो गइल बा जबकि 5 लोग घायल बा।

आगे के कार्रवाई में जुटल पुलिस

मैनपुरी के सीएमओ पीपी सिंह बतवले कि, वाहन के दुर्घटनाग्रस्त होखला के बाद पांच लोगन के अस्पताल ले आवल गइल। तीन मामूली रूप से घायल जबकि दु के हालत गंभीर बा। फिलहाल, पुलिस हादसा में मारल गइल चार लोगन के शव पोस्टमार्टम खातिर भेज दिहल गइल बा। संगही ममिला में आगे के कार्रवाई सुरू कs दिहल गइल बा।

सीएम योगी जतवले दुख

मैनपुरी में भइल हादसा में चार लोगन के मौत पs सीएम योगी आदित्यनाथ दुख जतवले। मुख्यमंत्री जनपद मैनपुरी में भइल हादसा में जनहानि पs शोक प्रकट कइले बाड़े। मुख्यमंत्री दिवंगतन के आत्मा के शांति के कामना करत शोक संतप्त परिजनन के प्रति संवेदना व्यक्त कइले बाड़ें।