बीपीएससी के उम्मीदवारन के एगो प्रतिनिधिमंडल शनिचर के दिने बिहार के मुख्यमंत्री नीतीश कुमार से बीपीएससी के 70वीं के दोबारा परीक्षा के बारे में भेंट करी आ एह मुद्दा पs उनुका से विस्तार से बात करी. प्रतिनिधिमंडल आपन पूरा विचार सीएम के सोझा पेश करी। सूत्र बतावत बाड़े कि शुक के आधा रात के कुछ अधिकारी उम्मीदवार से मिले खातीर घरनास्थल पहुंचल रहले।
अधिकारी उम्मीदवार से जानल चाहत रहले कि उs लोग बिहार लोक सेवा आयोग के अध्यक्ष से भेंट कईल चाहतारे कि सीएम नीतीश कुमार से मिल के आपन विचार पेश कईल चाहतारे। एकरा पs उम्मीदवार कहले कि हमनी के मुख्यमंत्री पs भरोसा बा। एही से हमनी के मुख्यमंत्री से भेंट कईल चाहतानी। बता दीं कि बीपीएससी के उम्मीदवार 11 दिन से गर्दनीबाग में हड़ताल पs बईठल बाड़े अवुरी फेर से परीक्षा के मांग करत बाड़े।
जनसुराज अध्यक्ष सीएम के चिट्ठी लिखले
जनसुरज अध्यक्ष सीएम नीतीश कुमार के चिट्ठी लिख के 70वीं बीपीएससी के परीक्षा पूरा तरह से रद्द करे के मांग कइले बाड़न. परीक्षा दोबारा करावे के मांग करत पटना के गर्दनीबाग में जुटल बीपीएससी के उम्मीदवारन से प्रशांत किशोर मुलाकात कइले बाड़न.
तेजस्वी यादव के सीएम के चिट्ठी
नेता प्रतिपक्ष तेजस्वी यादव भी सीएम नीतीश कुमार के चिट्ठी लिखले बाड़े। उs अपना चिट्ठी में लिखले बाड़े कि बिहार लोक सेवा आयोग (बीपीएससी) के परीक्षा में कदाचार अवुरी गड़बड़ी के जानकारी बा। एकरा संगे परीक्षा प्रक्रिया में गड़बड़ी के कारण बतावत उs पूरा परीक्षा रद्द कs के दोबारा परीक्षा करावे के मांग कईले बाड़े।
इहो पढ़ीं:सबेरे-सबेरे: गर्दन के समस्या से बानी परेसान, तs रोजे करीं इs Exercise
