भारत आ दक्षिण अफ्रीका के बीच जारी तीसरका टी20 मैच में तिलक वर्मा के बल्ला जमके गरजल। सेंचुरियन में खेलल गइल एह मुकाबला में ऊ सानदार प्रदर्शन कइलें आ करिअर के पहिला शतक ठोक देलें। उनकर एह सानदार पारी के बदौलत भारत के स्कोर 200 के पार पहुंचल।
Contents
ई कारनामा करे वाला दूसरका सबसे नवहा भारतीय
एह मैच में तिलक वर्मा विस्फोटक पारी खेललें। ऊ 56 गेना के सामना कइलें आ 107* रन बनवलें। एह दौरान ऊ 191.07 के स्ट्राइक रेट से आठ चौका आ सात छक्का लगवलें। 51 गेना में ऊ अपना करिअर के पहिला शतक लगवलें। एही के संगे ऊ बड़ रिकॉर्ड अपना नामे कs लेलें। ऊ टी-20 अंतरराष्ट्रीय में शतक बनावे वाला दूसरका सबसे नवहा भारतीय बन गइलें। ऊ ई कारनामा 22 साल पांच दिन के उमिर में कइलें। एह ममिला में शीर्ष पs यशस्वी जायसवाल बाड़ें। ऊ 21 साल 279 दिन के उमिर में नेपाल के खिलाफ शतकीय पारी खेलले रहस।