Vivo X90 सीरीज के ले के एक बेर फिर से लीक रिपोर्ट सामने आइल बा। कहल जा रहल बा कि Vivo X90 series के लॉन्चिंग दिसंबर के अंत ले होई। Vivo X90 सीरीज के तहत Vivo X90, Vivo X90 Pro अउर Vivo X90 Pro+ जइसन फोन लॉन्च कइल जाई। एमें से एक फोन जेकर मॉडल नंबर Vivo V2227A बा, चाइना कंपलसरी सर्टिफिकेशन (3C) साइट से सर्टिफिकेट मिल चुकल बा। कहल जा रहल बा कि ई Vivo X90 Pro+ के चाइना मॉडल ह।
Vivo X90 Pro+ 3C के लिस्टिंग के बारे में सबसे पहिले एन्विन नाम के ट्विटर यूजर (@ZionsAnvin) जानकारी देहले बानें। लिस्टिंग के मुताबिक वीवो के अपकमिंग फोन में 80W (20V/4A) के फास्ट चार्जिंग मिली।
एकरे अलावा अभीन ले सामने आइल लीक रिपोर्ट के मुताबिक Vivo X90 Pro+ में 6.78 इंच के सैमसंग E6 एमोलेड डिस्प्ले होई जेकरे स्टाइल कर्व्ड एज वाला होई। डिस्प्ले के रिजॉल्यूशन 2K अउर रिफ्रेश रेट 120Hz होई। डिस्प्ले के संगे आई प्रोटेक्शन भी मिली। एकरे अलावा फोन में स्नैपड्रैगन 8 Gen 2 प्रोसेसर मिली।
Vivo के एह अपकमिंग फोन में चार रियर कैमरा होई। जेमें प्राइमरी लेंस 50 मेगापिक्सल के होई। एकरे अलावा एमें 48 मेगापिक्सल के अल्ट्रा वाइड एंगल लेंस होई। साथ में 50 मेगापिक्सल के पोट्रेट लेंस अउर 64 मेगापिक्सल के पेरिस्कोप लेंस होई। कैमरा के साथ Vivo V2 इमेज सिग्नल प्रोसेसर के भी सपोर्ट होई।
Comments are closed.