परिवहन निगम 13 से 16 जनवरी के बीच गोरखपुर परिक्षेत्र के 14 रूट पर 650 अतिरिक्त बस चलाई। निगम के जिम्मेदार लोग रूट के निर्धारण के साथ ही अतिरिक्त बस के व्यवस्था शुरू कर दिहले बानें।
मुख्यमंत्री योगी आदित्यनाथ के निर्देश के बाद परिवहन निगम खिचड़ी मेले में आवे वाले श्रद्धालुअन के सुविधा के तैयारी में जुट गइल बा। परिवहन निगम के क्षेत्रीय प्रबंधक पीके तिवारी बतवलें कि गोरखपुर से सोनौली, बढ़नी, सिद्धार्थनगर, महराजगंज, ठूठीबारी, तमकुही, देवरिया आदि रूट पर अतिरिक्त बस चलावल जाई।
लोकल रूट पर चले वाली नियमित बस के फेरा भी बढ़ाए जाई। बस स्टेशनों के अलावा भीड़ वाले चौराहन अउर कस्बा से भी बस चलावल जाई। गोरक्षनाथ मंदिर में रोडवेज के तरफ से कैंप लगावल जाई।
