छपरा के डोरीगंज क्षेत्र में 3 घंटा के पावर कट: ट्रांसफॉर्मर इंस्टालेशन रिपेयरिंग-वायर एक्सचेंज को लेके सबेरे 10 बजे से रही बिजली गुल

By khabar Bhojpuri Desk On Aug 1, 2024

छपरा में मानसून के बरखा के बीच पावर ट्रिप आ ट्रांसफॉर्मर लोड के समस्या सामने आवे लागल बा। एकरा के लेके बिजली विभाग के ओर से पावर मेंटनेंस के काम कइल जा रहल बा। एही क्रम में डोरीगंज के चिरांद फीडर में बिजली कट कs के मेंटेनेंस के काम कइल जाये के बा। एकरा के लेके बियफे के चिरांद फीडर से पावर कट कइल जाये के बा।

बियफे के सबेरे 10 बजे से एक बजे तक तीन घंटा के पावर कट कइल जाई। बिजली विभाग के सूचना जारी करत बिजली संबंधित कामन के निपटा लेवे के सलाह दिहल गइल बा। फेर एक बजे के बाद बिजली बहाल कs दिहल जाई। एह दौरान डोरीगंज क्षेत्र में आसपास के हिस्सन में बिजली बाधित रही।

पावर कट से संबंधित जानकारी देत सहायक अभियंता बतवलें कि बियफे के डोरीगंज पीएसएस से संचालित होखे वाला फीडर में बिजली बाधित कइल जाये के बा। सबेरे 10 बजे से एक बजे तक बिजली बाधित करत तमाम तरे के बिजली के मरम्मती कइल जाये के बा। फेर एक बजे के बाद बिजली बहाल कs दिजल जाई। एह दौरान हाई एक्सटेंशन आ लो एक्सटेंशन वायर के मरम्मती के संगे पावर सब स्टेशन में ट्रांसफॉर्मर के रेगुलर मेंटेनेंस कइल जाई। ताकि भविष्य में परेसानी ना होखे। बिजली खपत में पावर लोड के चलते परेसानी आ रहल बा।