इंडियन प्रीमियर लीग के 18वां सीजन यानी साल 2025 में खेले वाला आईपीएल से पहिले 24 आ 25 नवंबर के सऊदी अरब के जेद्दा शहर में एगो मेगा नीलामी के आयोजन भइल जेह में सगरी 10 गो फ्रेंचाइजी सभ भारतीय आ बिदेसी खिलाड़ियन के शामिल करे के कोसिस कइलीं उनकर टीम हमरा पर्स से पईसा खर्च कईले। अब महिला प्रीमियर लीग यानी डब्लूपीएल के तीसरा सीजन साल 2025 में खेले वाला बा, एकरा पहिले मिनी नीलामी के आयोजन होई, जहवां मानल जाता कि बहुत बड़ खिलाड़ी के टीम में बदलाव होई। वर्तमान में कुल 5 गो टीम महिला प्रीमियर लीग में खेले लीं, जवना में 18 गो खिलाड़ियन के टीम बा। एही बीच अब वीमेन प्लेयर्स लीग के मिनी नीलामी के तारीख के खुलासा हो गईल बा।
डब्लूपीएल के तिसरका सीजन के ऑक्शन बेंगलुरु में करावल जाई
ईएसपीएन क्रिकइंफो के एगो रिपोर्ट के मुताबिक महिला प्रीमियर लीग के तीसरा सीजन के मिनी ऑक्शन 15 दिसंबर के बेंगलुरु में होई। अबकी बेर सबके 15 करोड़ के पर्स मिल जाई। जवना में ऑक्शन से पहिले बरकरार राखल जाए वाला खिलाड़ियन के नाम पहिलही से एलान हो चुकल बा. अगर मिनी ऑक्शन के बात कइल जाव तs भारत के स्नेह राणा, पूनम यादव आ वेदा कृष्णमूर्ती स्टार खिलाड़ी में शामिल होखीहें. एकरा अलावे विदेशी खिलाड़ियन के नाम में ली ताहुहु, हीथर नाइट आ डिएंड्रा डॉटिन के नाम शामिल बा. बता दीं कि सभे 5 टीम अपना टीम में अधिकतम 6 विदेशी खिलाड़ी के शामिल कs सकेले। मिनी ऑक्शन में सबसे जादा पईसा गुजरात जाएंट्स के होई।
इहो पढ़ीं: फटाक से बनाइ राजस्थानी लहसुन के चटपटा चटनी, सर्दी में खइले से बूस्ट होई इम्यूनिटी
अगर डब्लूपीएल मिनी ऑक्शन में पांचों फ्रेंचाइजी के पर्स के बात कईल जाए तs गुजरात जाएंट्स के सबसे जादा पर्स 4.40 करोड़ रुपया बाचल बा, जवना में ओकरा सिर्फ 4 खिलाड़ी लेवे के होई अवुरी एs में से ओकरा लगे 2 विदेशी के स्लॉट बा खिलाड़ी लोग के । एकरा बाद अधिकतम पईसा यूपी वॉरियर्स टीम के लगे बा, जेकरा मिनी नीलामी में सिर्फ 3 खिलाड़ी के अपना टीम में शामिल करे के होई, एहसे उनुका लगे 3.90 करोड़ रुपया के पर्स बाचल बा। मिनी ऑक्शन में मुंबई इंडियंस महिला टीम के पर्स 2.65 करोड़, दिल्ली कैपिटल्स महिला टीम के 2.5 करोड़ रुपया, जबकि गतविजेता रॉयल चैलेंजर्स बेंगलुरु महिला टीम के पर्स 3.25 करोड़ रुपया होई।
