विश्व पृथ्वी दिवस हर साल 22 अप्रैल के मनावल जाला। अबकी बेर पृथ्वी दिवस के खास विषय बा प्लैनेट बनाम प्लास्टिक। आईं हमनी के अपना घर से धरती के सुरक्षित बनावे के काम शुरू करीं स आ रसोई से हानिकारक प्लास्टिक के सामान फेंक दीही।
प्लास्टिक से खाली हमनी के धरती आ पर्यावरण के प्रदूषण त हो रहल बा बलुक एकर खराब असर हमनी के स्वास्थ्य प भी पड़ रहल बा। आजकल अधिकतर घर में प्लास्टिक से बनल चीजन के इस्तेमाल हो रहल बा। भंडारण खातिर बक्सा होखे, पानी के बोतल होखे, टिफिन होखे भा चॉपर बोर्ड, सब कुछ प्लास्टिक के बनल बा। जब सब्जी खरीदे जाइब त प्लास्टिक के पॉलीथीन आ प्लास्टिक के थैली मिल जाला। एह सब से पर्यावरण के सबसे ज्यादा नुकसान हो रहल बा। पृथ्वी के साफ सुथरा आ सुरक्षित राखे खातिर हर साल 22 अप्रैल के विश्व पृथ्वी दिवस मनावल जाला। अबकी बेर थीम बा प्लैनेट बनाम प्लास्टिक । अइसने में हमनी के जल्दी से जल्दी अपना घर से प्लास्टिक के सामान फेंक देवे के चाही। ई सब चीज खाली धरती के ना बलुक हमनी के स्वास्थ्य के भी नुकसान पहुँचा रहल बा।
प्लास्टिक के चॉपिंग बोर्ड- अधिकांश घर में प्लास्टिक के चॉपिंग बोर्ड के इस्तेमाल होखेला, जवन कि स्वास्थ्य खातीर नुकसानदेह साबित होखेला। जब रउआ एह प्लास्टिक के बोर्ड प सब्जी काटत बानी त सब्जी के संगे-संगे प्लास्टिक के छोट-छोट कण तौर शरीर में घुस जाला। कबो-कबो प्लास्टिक के चॉपिंग बोर्ड के साफ कइल मुश्किल हो जाला। एहसे स्वास्थ्य आ पर्यावरण के नजरिया से लकड़ी के चॉपिंग बोर्ड के इस्तेमाल करे के चाही।
प्लास्टिक के टिफिन- सबके घर में प्लास्टिक के टिफिन के भरमार मिली। हो सकेला कि ई टिफिन सस्ता होखे बाकिर स्वास्थ्य प एकर खराब असर पड़ेला । प्लास्टिक के टिफिन में राखल गरम खाना स्वास्थ्य खातीर नुकसानदेह होखेला। प्लास्टिक बनावे में बिस्फेनोफिल-ए नाम के जहरीला यौगिक के इस्तेमाल होखेला। जेकर कण शरीर तक पहुंच सकता आ कैंसर जइसन खतरनाक बेमारी पैदा क सकता। एह से आज से ही प्लास्टिक के जगह स्टील भा कांच के इस्तेमाल करीं।
प्लास्टिक के बोतल- आजकल लोग पानी पीये खातिर बोतल के इस्तेमाल करेला। सबके हाथ में प्लास्टिक के बोतल देखाई दिही। लइकन से लेके बड़ लोग तक प्लास्टिक के बोतल के इस्तेमाल सब लोग करेला। इ सब स्वास्थ्य खातिर नुकसानदेह साबित हो रहल बा। आज ही अपना रसोई में रखल प्लास्टिक के बोतल के इस्तेमाल बंद कर दीं। एकरा जगह स्टील, कांच भा तांबा के बोतल के इस्तेमाल करीं।
प्लास्टिक बैग पॉलीथीन- सब्जी भा राशन के दोकान खरीदे जाइब त माल प्लास्टिक के पॉलीथीन में ही मिल जाई। प्लास्टिक के पॉलीथीन प रोक लगा दिहल गइल तबो आजुओ छोट शहर आ दोकान में एकर बिक्री अंधाधुंध हो रहल बा। अइसने में रउरा ओह लोग के इस्तेमाल बंद कर देबे के चाहीं । सामान खरीदे खातिर घर से जूट भा कपड़ा से बनल थैली लेके चले के चाहीं आ प्लास्टिक के पॉलीथीन के ना कहे के चाहीं ।
