चहलक़दमी: सबसे आसान व्यायाम पैदल चलल बा, जदी दिल के संगे पूरा शरीर के स्वस्थ राखल चाहतानी त खूब पैदल चली
दिल के मजबूत करेला, हाई ब्लड प्रेशर कम करेला, हड्डी के मजबूत करेला अउरी एकरा से अउरी बहुत फायदा बा। पैदल चल के ना सिर्फ सभ शारीरिक बेमारी से दूर हो सकतानी, बालुक मानसिक स्वास्थ्य में भी सुधार क सकतानी।
चहलक़दमी: सबसे आसान व्यायाम पैदल चलल बा, जदी दिल के संगे पूरा शरीर के स्वस्थ राखल चाहतानी त खूब पैदल चली
पैदल चलल एगो सामान्य गतिविधि लाग सकेला बाकिर एकरा से मिले वाला परिणाम सामान्य ना होला | इ दिल के मजबूत करेला, हाई ब्लड प्रेशर कम करेला, हड्डी के मजबूत करेला अउरी एकरा से अउरी बहुत फायदा बा। पैदल चल के ना सिर्फ सभ शारीरिक बेमारी से दूर हो सकतानी, बालुक मानसिक स्वास्थ्य में भी सुधार क सकतानी। माने कि पैदल चलल हमेशा फायदेमंद सौदा होला। एह चहलक़दमी से जुड़ल शोध के पहलु पे एक नजर-
•90 min शहरी इलाका में चलला के बजाय, हरियर इलाका में चलला से मानसिक स्वास्थ्य में सुधार होखेला। एगो अध्ययन में स्टैनफोर्ड विश्वविद्यालय के शोधकर्ता निष्कर्ष निकलले कि शहरी इलाका के मुक़ाबले हरियाली वाला पूरा इलाका में पैदल चलेवाला लोग के दिमाग में अवसाद से जुड़ल गतिविधि में कमी आईल।
• दिन में 30 मिनट तक चलल चाहे व्यायाम कईला से महिला में स्तन कैंसर के खतरा 30 से 40 प्रतिशत कम हो सकता। नियमित व्यायाम से महिला अवुरी पुरुष दुनो में बृहदान्त्र कैंसर के खतरा भी कम हो जाला।
• हर हफ्ता 9 किलोमीटर पैदल चलला से दिल के दौरा, स्ट्रोक अउरी दिल के फेल होखे के खतरा 31 प्रतिशत कम हो सकता। एकरा खातिर बस रोजाना 1.3 किमी पैदल चलल जाला।
•अगर 2.5 किलोमीटर के सफर निजी वाहन के बजाय पैदल चलल जाव त ग्रीनहाउस गैस के उत्पादन में 75 प्रतिशत तक के कमी हो सकेला।
• हर हफ्ता 150 मिनट पैदल चलला से कम उमिर में बेमारी से मौत के खतरा 16 प्रतिशत कम हो जाला।
• खाना खइला के बाद 10 मिनट तक चलला से पाचन के भी स्वस्थ रहेला अउरी वजन कम करे में भी मददगार होला।
• 30 मिनट तक तेज चलल यानी एक सेकंड में दु डेग चलला से फेफड़ा के दक्षता बढ़ जाला।
• 70 से 89 साल के लोग पे भईल शोध में इ निष्कर्ष निकलल कि कम उम्र से रोज पैदल चले वाला लोग में शारीरिक विकलांगता के खतरा पैदल ना चले वाला लोग के मुक़ाबले 28 प्रतिशत कम रहेला |
•अगर आप हर दिन 20 मिनट तक, सप्ताह में 5 दिन चलत बानी त सर्दी चाहे बोखार जईसन आम बेमारी के खतरा 43 प्रतिशत कम हो जाला।
• 15 मिनट तक पैदल चलला से चॉकलेट चाहे मिठाई खाए के इच्छा पे लगाम हो सकता। अगर मकसद वजन कम कईल बा त सबसे बढ़िया तरीका बा कि चलल जाए।
•खाना खइला के बाद 10 मिनट तक पैदल चले के चाहीं। टाइप-2 डायबिटीज में इ नस अउरी किडनी के नुकसान से बचावेला।
• रोज 30 मिनट चलला पे उत्पादकता में 60 प्रतिशत के बढ़ोतरी होला।
•30 मिनट तक चलला से महिला में स्ट्रोक के खतरा 20 से 40 प्रतिशत कम हो सकता।
Comments are closed.