उत्तर प्रदेश विधानसभा चुनाव में चुनल गइल नवनिर्वाचित विधायक के शपथ ग्रहण कार्यक्रम चल रहल बा। मुख्यमंत्री योगी आदित्यनाथ, उप मुख्यमंत्री ब्रजेश पाठक, सपा अध्यक्ष अखिलेश यादव समेत सब वरिष्ठ विधायकन के प्रोटेम स्पीकर रमापति शास्त्री शपथ दिया रहल बाने।
सबसे पहिले मुख्यमंत्री योगी आदित्यनाथ विधानसभा में सदन के नेता के रूप में शपथ लेहने। मुख्यमंत्री योगी आदित्यनाथ के शपथ के दौरान सदन जय श्री राम के नारा से गूंज उठल। विधायक अउर मंतरी मुख्यमंत्री अउर उप मुख्यमंत्री के बधाई देहल।
नेता प्रतिपक्ष अखिलेश यादव विधानसभा में सदन के विधायक पद के शपथ लेहने। अखिलेश यादव पक्ष अउर विपक्ष के विधायकन के अभिवादन करत शपथ लेवे पहुंचने।
उत्तर प्रदेश के मुख्यमंत्री योगी आदित्यनाथ नवनिर्वाचित विधायकन के शपथ ग्रहण के दौरान विधानसभा में विपक्ष के नेता अखिलेश यादव से गर्मजोशी से मुलाकात कइने। दरअसल, सीएम योगी अखिलेश यादव के देखते मुस्कियइने अउर एक-दूसरे से हाथ मिलवने। सीएम योगी अखिलेश के कंधा पर हाथो रखने।
विपक्ष के भूमिका सकारात्मक होई – अखिलेश यादव
यूपी विधानसभा में विपक्ष के नेता अउर समाजवादी पार्टी के अध्यक्ष अखिलेश यादव कहने कि केवल बेंच बदल गइल बा, हम अब विपक्ष में बइठब। सरकार के जवाबदेही खातिर विपक्ष काम करी अउर विपक्ष के भूमिका सकारात्मक होई।
#WATCH Uttar Pradesh CM Yogi Adityanath meets Leader of Opposition Akhilesh Yadav in the Legislative Assembly during oath-taking of newly-elected legislators #Lucknow pic.twitter.com/7r6fX7ErjX
— ANI UP/Uttarakhand (@ANINewsUP) March 28, 2022