अफगानिस्तान मामिला के विशेष अमेरिकी दूत थॉमस वेस्ट भारत यात्रा पर बानें। दिल्ली में ऊ डिप्टी एनएसए विक्रम मिसरी, विदेश मंत्रालय के संयुक्त सचिव जेपी सिंह अउर अन्य उच्चाधिकारियन से मुलाकात कइलें। ऊ अफगानिस्तान में भारत अउर अमेरिका के साझा हित के ले के चर्चा कइलें।
अमेरिकी विशेष दूत वेस्ट ट्वीट कs कहलें कि भारत द्वारा अफगानी लोग के मित्र के नाते कइल जा रहल मानवीय मदद अउर उनके मूलभूत अधिकारन के प्रति वचनबद्धता के उनकर देश सराहsला।
The United States Special Representative for Afghanistan Thomas West met Deputy NSA Vikram Misri, MEA Joint Secretary (PAI), JP Singh & others in Delhi to discuss shared interests in Afghanistan pic.twitter.com/EaocZ7CIrL
— ANI (@ANI) December 6, 2022
अब्दुल्ला अब्दुल्ला से भी कइलें मुलाकात
थॉमस वेस्ट अफगानिस्तान के राष्ट्रीय सुलह परिषद के अध्यक्ष डॉ अब्दुल्ला अब्दुल्ला से मुलाकात कइलें। ऊ अफगानन के बीच राष्ट्रीय राजनीतिक संवाद के तत्काल जरूरत पर चर्चा कइलें। एह अनिवार्यता पर अंतर्राष्ट्रीय समुदाय में सहमति बा, एकर नेतृत्व अउर आकार अफगानन के करे के चाहीं।
