बिजनेस डेस्क: नेशनल पेमेंट्स कॉरपोरेशन ऑफ इंडिया (एनपीसीआई) यूपीआई लेनदेन के सुरक्षा आ प्रभावशीलता बढ़ावे खातिर नया नियम जारी कइले बा। ई नियम एक अप्रिल से लागू हो रह बा। एकरा मोताबिक, जदि रउआ अपना मोबाइल नंबर के 90 दिन तक इस्तेमाल नइखी करत तs, दूरसंचार कंपनी ऊ नंबर कवनो दोसर व्यक्ति के दे सकत बिया।
एकर मायना का?
एकर मतलब बा कि जदि राउर पुरान मोबाइल नंबर से यूपीआई लिंक कइल गइल बा आ ऊ नंबर बंद हो गइल बा, तs राउर यूपीआई आईडियो काम ना करी। माने रउआ यूपीआई सेवा के इस्तेमाल ना कs पाएम।
हफ्ता में कम-से-कम एक बेर जांच आ अपडेट’
एक अप्रिल से बैंक आ यूपीआई एप ग्राहकन के मोबाइल नंबर रिकॉर्ड के सप्ताह में कम-से-कम एक बेर जचिहें सेs आ अपडेट करिहें सs, ताकि बदल गइल मोबाइल नंबरन के कारण गलत लेनदेन ना होखे।
यूपीआई यूजर्स के करे के होई ई काम
- बैंक में आपन मोबाइल नंबर अपडेट करीं ताकि यूपीआई सेवाएं चालू रहें।
- जदि हाले में नंबर बदलल बा, तs जल्दिये नया नंबर रजिस्टर करीं।
- बैंक रजिस्टर्ड नंबर के इस्तेमाल करत रहीं ताकि ऊ निष्क्रिय ना होखे आ यूपीआई सेवा प्रभावित ना होखे।
कलेक्ट पेमेंट फीचर होई खत्म
एनपीसीआई धोखाधड़ी के कम करे खातिर हाले में कलेक्ट पेमेंट फीचर के हटावे के प्रक्रिया सुरू कइले बा। अब ई फीचर खाली बड़ बेयपारियन तक सीमित रही। व्यक्तिगत लेनदेन में एकर सीमा 2,000 रुपिया कs दिहल जाई।
