केंद्रीय शिक्षा मंत्री धर्मेन्द्र प्रधान के पिता डॉ. देवेंद्र प्रधान के सोमार के दिने निधन हो गइल. 84 साल के उमिर में उनुकर आखिरी साँस लिहल गइल. उनुका निधन के बाद पीएम मोदी भी उनुका के श्रद्धांजलि देले। बता दीं कि धर्मेन्द्र प्रधान के पिता देबेन्द्र प्रधान भी भाजपा के वरिष्ठ नेता रहले। उs पूर्व प्रधानमंत्री अटल बिहारी वाजपेयी के सरकार में भी मंत्री रहले। उनुकर बेटा धर्मेन्द्र प्रधान प्रधानमंत्री नरेंद्र मोदी के नेतृत्व में मौजूदा केंद्र सरकार में शिक्षा मंत्री बाड़े। भारतीय जनता पार्टी के ओडिशा इकाई के अध्यक्ष रहल देबेंद्र प्रधान नई दिल्ली में आपन आखिरी सांस लेहले।
ओडिशा के सीएम दुख जतवले
ओडिशा के मुख्यमंत्री मोहन चरण माझी भी देबेंद्र प्रधान के निधन पs दुख जतवले। उs कहले कि देबेंद्र प्रधान एगो लोकप्रिय जननेता अवुरी एगो सक्षम संसद सदस्य रहले। सीएम मोहन चरण माझी कहले कि, उ (देबेंद्र प्रधान) 1999 से 2001 तक केंद्रीय परिवहन अवुरी कृषि मंत्री के रूप में आपन कर्तव्य के कुशलता से निभावले। जनप्रतिनिधि आ सांसद के रूप में उs कई गो कल्याणकारी काम कईले जवना खातिर आम जनता के बहुत स्नेह मिलल। सेवा अवुरी दृढ़ संकल्प के संगे उs आपन पूरा जीवन राज्य के विकास खातीर समर्पित कईले।”
नवीन पटनायक भी दुख जतवले
ओडिशा के सीएम मोहन चरण माझी कहले कि देबेंद्र प्रधान में देश अवुरी राज्य के एगो प्रतिष्ठित जनसेवक के नुकसान भईल बा। मुख्यमंत्री अपना बेटा से भी बात कईले अवुरी संवेदना जतवले। ओडिशा विधानसभा में विपक्ष के नेता नवीन पटनायक कहले कि देबेंद्र प्रधान के हमेशा उनुका बेजोड़ संगठनात्मक कौशल अवुरी अडिग व्यक्तित्व खातीर याद कईल जाई। नवीन पटनायक कहले कि डॉ. “देबेन्द्र प्रधान के निधन से राज्य एगो प्रभावशाली राजनीतिक हस्ती अवुरी लोकप्रिय राजनीतिज्ञ के खो देले बा।”
इहो पढ़ीं; सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
