बड़ स्तर प चल रहल बा छंटनी
एलन मस्क के मालिक बनला के बाद ट्विटर में बड़ स्तर प छंटनी हो रहल बा। ट्विटर में कर्मचारियन के छंटनी आज माने 4 नवंबर से शुरू हो गइल बा। कंपनी के बुनियादी ढांचा (Infrastructure Cost Cutiing) के लागत घटाके करीब एक अरब डॉलर 82 अरब रुपिया बचावल चाहत बाड़ें।
एगो रिपोर्ट के अनुसार मस्क ट्विटर इंकार्पोरेशन (Twitter Inc) के नया प्रबंधकन से कहले बाड़ें कि ऊ इंफ्रास्ट्रक्चर के लागत कम करे खातिर डेग उठावे लो। ऊ कहले कि ऊ ट्विटर खर्च सालाना 1 अरब डॉलर कम कइल चाहत बाड़ें। मस्क खर्च में कटौती के एह योजना के ‘डीप कट्स प्लान’ नाम दिहले बाड़ें।
खर्च कटौती के योजना से जुड़ल सूत्रन के अनुसार ट्विटर के एगो आंतरिक संदेश में कहल गइल बा कि कंपनी के लक्ष्य सर्वर आ क्लाउड सेवा से रोजाना 15 लाख डॉलर आ 30 लाख डॉलर के बचत कइल बा। आंतरिक दस्तावेज के अनुसार ट्विटर के फिलहाल रोज 30 लाख डॉलर के नुकसान हो रहल बा। हालांकि, एह योजना के लेके अधिकृत रूप से बयान नइखें आइल।
Post Views: 1
