बिहार शिक्षा विभाग के फैसला; चुनाव बाद होई 85 हजार नियोजित शिक्षकन के सक्षमता परीक्षा, पढ़ीं सारा डिटेल

BIHAR NEWS: बिहार के नियोजित शिक्षकन खातिर बड़ खबर सामने आइल बा। नियोजित शिक्षकन के लोकसभा चुनाव में लागल ड्यूटी के लेके जिलाधिकारी छोड़े के तइयार ना भइले। लोकसभा चुनाव के अंतिम चरण एक जून के बा । चार जून के मत के गिनती बा। एकरा मद्देनजर शिक्षा विभाग चार जून के बादे दूसरका सक्षमता परीक्षा के आयोजन के संकेत दे देलस।

राज्यकर्मी बने के प्रतीक्षा कर रहल नियोजित शिक्षकन के सक्षमता परीक्षा लोकसभा चुनाव के बाद होई। ई दूसरका सक्षमता परीक्षा होई, जवना में बइठे खातिर 85 हजार नियोजित शिक्षकन के ओर से ऑनलाइन फॉरम भरल गइल बा।

एमें उत्तीर्ण होखे वाला नियोजित शिक्षक राज्यकर्मी बनिहें। शिक्षा विभाग के अनुसार, दूसरका सक्षमता परीक्षा 12, 14 आ 15 मई में लेवे के तैयारी रहे, बाकिर नियोजित शिक्षकन के लोकसभा चुनाव में लागल ड्यूटी के मद्देनजर परीक्षा ना लिहल गइल।

शिक्षा विभाग काहे कइलस ई फैसला ?

नियोजित शिक्षकन के लोकसभा चुनाव में लागल ड्यूटी के लेके जिलाधिकारी छोड़े के तइयार ना भइले। लोकसभा चुनाव के अंतिम चरण एक जून के बा । चार जून के मत के गिनती बा। एकरा मद्देनजर शिक्षा विभाग चार जून के बादे दूसरका सक्षमता परीक्षा के आयोजन के संकेत दे देलस।

26 अप्रैल से भरल जा रहल बा ऑनलाइन परीक्षा फॉर्म

दूसरका सक्षमता परीक्षा के ऑनलाइन परीक्षा फॉर्म भरे के अंतिम तिथि चार मई तक के रहे, जवना के बढ़ा के छह मई कइल गइल रहे। नियोजित शिक्षकन, शारीरिक शिक्षकन आ  पुस्तकालयाध्यक्षन खातिर बिहार विद्यालय परीक्षा समिति द्वारा लेवे जाए वाली दूसरका सक्षमता परीक्षा में बइठे खातिर ऑनलाइन परीक्षा फॉर्म 26 अप्रैल से भरल जा रहल बा।

परीक्षा में पास होखे खातिर सामान्य कोटि के नियोजित शिक्षकन खातिर न्यूनतम 40 प्रतिशत अंक, पिछड़ा वर्ग कोटि के नियोजित शिक्षकन खातिर न्यूनतम 36.5 प्रतिशत अंक, अत्यंत पिछड़ा वर्ग के नियोजित शिक्षकन खातिर न्यूनतम 34 प्रतिशत अंक, अनुसूचित जाति-अनुसूचित जनजाति कोटि, दिव्यांग कोटि आ महिला कोटि के नियोजित शिक्षकन खातिर न्यूनतम 32 प्रतिशत अंक लावे के अनिवार्यता होई।

एमें पहिला से पांचवां, छठा से आठवां, नौवां से दसवां आ ग्यारहवां से बारहवां कक्षा के नियोजित शिक्षक शामिल होइहें।