- बिहार: बिहार में प्रदर्शनकारियन पs फायरिंग, एक के मौत, 2 गंभीर; कटिहार में बिजली खातिर उग्र भीड़ पथराव कइल, 12 पुलिसकर्मी-बिजली कर्मचारी घायल। घटना पs प्रदेश में गरमाइल सियासत।
- बिहार: तेजस्वी के सामने नीतीश बतवलें काहे रद्द कइलें तबादला; बोललें- कइयन तरे के बात आवत रहे, विधायक लोग कइलें रहे शिकायत, जांच के बाद रद्द। मंत्रीमंडल के सवाल पs तेजस्वी कावर इशारा कइलें।
- उत्तर प्रदेश: ज्ञानवापी सर्वे पs बढल रोक बिहान तक बढ़ल, बियफे के साढ़े तीन बजे हाईकोर्ट फेर से सुनवाई करी। अनुमति मिलल तs 31 जुलाई तक पूरा हो जाई सर्वे, एएसआई के वैज्ञानिक कोर्ट से कहलें।
- उत्तर प्रदेश: सीएम योगी आदित्यनाथ मथुरा में बाढ़ प्रभावित जिलन के दौरा कइलें; गाजियाबाद-नोएडा में बरखा से सड़क डूबल, कइयन इलाकन में बिजली सप्लाई ठप।
- झारखंड: अभिनेत्री अमीषा पटेल पs रांची सिविल कोर्ट 500 रुपिया के जुर्माना लगवलस; ढाई करोड़ रुपिया के ठगी के आरोप, चेक बाउंस ममिला में अगिला सुनवाई 7 अगस्त के।
- शाह के चिट्ठी पs खड़गे के जवाब; पीएम हमनी के आतंकियन से जोड़लें, ओहि दिन गृह मंत्री सहजोग मंगलें, राउर कथनी आ करनी में फर्क। पीएम के आतंकी दलन से जोड़ल आ दिशाहीन बतवला के बतवलें दुर्भाग्यपूर्ण।
- देस में रूस जइसन मिसाइल डिफेंस सिस्टम बनावे के तइयारी: हवा में 400 किमी तक दुश्मन के एयरक्राफ्ट के तबाह कs दिही। मीडियम रेंज के मिसाइल सिस्टम बना चुकल बा भारत।
- मणिपुर पs सरकार के खिलाफ अविश्वास प्रस्ताव मंजूर: लोकसभा स्पीकर ओम बिरला बोललें- सब दलन से बातचीत के बाद बहस के वक्त तय करेम।
- लंदन में धीरेंद्र शास्त्री बोललें- कोहिनूर लेइये के लवटेम: कहलें- पहिले अंग्रेज भारत में बोलत रहे लो, अब हमनी के बोल रहल बानी सs आ ई लोग सुन रहल बा।
- इंडिया-पाकिस्तान मैच एक दिन पहिले हो सकत बा: अहमदाबाद में 15 अक्टूबर के होखे के बा मुकाबला, एजेंसी बोलली सs- एही दिन नवरात्रि, तारीख बदलल जाव।
सांझ के 10 बड़ खबर

सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव।
परिचे-
एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।