- बिहार: छपरा में जहरीली शराब से हाहाकार, 21 के मौत; उल्टी-दस्त के बाद गइल आंखन के रोशनी; इलाज के दौरान मौत। छपरा के मसरख आ इसुआपुर में मौतन से मचल बा हाहाकार।
- बिहार: बिहार में शराब से 21 मौत, सवाल पर भड़कलें नीतीश; विधानसभा में बीजेपी विधायकन से बोललें- ई का हो गइल, चुप हो जा… नीतीश के मंत्री बोललें- जहरीली शराब से पहिलहूं मरत रहल बा लोग। गिरिराज बोललें- बिहार में शराब भगवान के तरह हो गइल बा।
- उत्तर प्रदेश: निकाय चुनाव; आजम के “गढ़” फतह कइला के बाद, अब “मुस्लिम” प्रत्याशी पs दांव लगाई भाजपा। कइयन गो मुस्लिम नेता लोगन के नाम के बा चरचा।
- उत्तर प्रदेश: गोरखनाथ मंदिर में सजे लागल परंपरागत खिचड़ी मेला, झूला के मिले लागल स्वरूप, न्यू ईयर के पहिलके दिन से दिखी रौनक। पुरान दुकानदारन के दिहल जा रहल बा प्राथमिकता।
- झारखंड: आठ करोड़ के धोखाधड़ी ममिला में शेयर कारोबारी अनूप अग्रवाल गिरफ्तार, पुलिस के अब ओकरा साथी के तलाश।
- पायलट बोललें- चीन के मुंहतोड़ जवाब दिहल जाव: हमनी के सरकार के संगे बानी सs, भारत जोड़ो यात्रा से जुड़लें पूर्व RBI गवर्नर एम रघुराजन।
- चीनी हैकर्स कइले रहलें सs AIIMS के सर्वर पs अटैक: 5 सर्वर के डेटा रिकवर, OPD के ऑनलाइन रजिस्ट्रेशन सुरू। 23 नवंबर के भइल रहे हैकिंग।
- बंगाल हिंसा के आरोपी के खुदकुशी, CBI अफसर पs FIR: CBI के टेम्परेरी कैंप में कस्टडी में रहे; परिवार लगवलस टॉर्चर के आरोप। तृणमूल नेता के मर्डर के बाद भइल रहे हिंसा, लईकन-महिला लोगन के जिंदा जरावल गइल रहे।
- दिवालिया होखला के कगार पs PAK: पूर्व फाइनेंस मिनिस्टर बोललें -IMF किश्त देवे के तइयार नइखे, इमरान इकोनॉमी के तबाह कs देलें। खाली IMF बचा सकेला डिफॉल्ट से।
- श्रेयस अय्यर शतक के करीब: भारत पहिला दिन 278/6 के स्कोर बनवलस, पुजारा 90 रन बनाके आउट भइलें। पहिला सेशन में रहल बांग्लादेशी गेंदबाजन के जलवा।
साँझ के 10 बड़ खबर
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव।
परिचे-
एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।