राजस्थान के राज्यपाल कलराज मिश्र कहलें कि उनके राज्य में कांग्रेस के अंदर चल रहल उठापटक पार्टी के आंतरिक मामला ह। एहमें निर्णय कांग्रेस पार्टी के ही लेवे के बा।
उ कुशीनगर स्थित एगो होटल में सोमवार के पत्रकारन से बातचीत करत रहलें। राजस्थान में अल्पसंख्यक तुष्टिकरण के सवाल पर कहलें कि टेलर मास्टर कन्हैया लाल के हत्या के पीछे केकर साजिश रहल, एकर पता लगावे खातिर एनआईए के जांच चल रहल बा। हत्या के पीछे कौन लोग रहे। एनआईए एकर पर्दाफाश करी।
विपक्षी गठबंधन के रुझान के बारे में पूछले पर कहलें कि एह संबंध में का हो रहल बा, हम कुछ नाइ बता सकsतनी। होटल से निकल के उ पूर्व सांसद राजेश पांडेय के कसया स्थित आवास पर पहुंचलें, जहां उनकर स्वागत कइल गइल।
एह दौरान रामकोला के विधायक विनय प्रकाश गौड़, कुशीनगर के विधायक पीएन पाठक, पूर्व विधायक पवन केडिया, रजनीकांत मणि त्रिपाठी, विनय राय, राधेश्याम पांडेय, जगदंबा सिंह, जेपी शाही आदि लोग मौजूद रहल।
