देश के पश्चिमी हिस्सा में चुनाव प्रचार कार्यक्रम में भाषण का दौरान गोली मारल गइल जापान के प्रधानमंत्री रहल शिंजो आबे के बियफे का दिने निधन हो गइल जवना में ऊ भाग ना पवले. गंभीर रूप से घायल अबे के हवाई जहाज से अस्पताल पहुंचावल गईल रहे लेकिन ओ समय उनुकर सांस ना चलत रहे अवुरी उनुकर दिल खराब हो गईल रहे। इ जानकारी स्थानीय दमकल विभाग के ओर से दिहल गईल। प्रधानमंत्री फुमियो किशिदा कहले कि डॉक्टर अबे के बचावे खाती पूरा कोशिश कईले।
गोली लगला के बाद आबे के दिल के दौरा पड़ गईल रहे
स्थानीय दमकल विभाग के अधिकारी माकोटो मोरिमोटो बतवले कि गोली लगला के बाद अबे के दिल के दौरा पड़ल अवुरी उनुका के प्रांतीय अस्पताल ले जाइल गईल। मुख्य कैबिनेट मंत्री हिरोकाजु मात्सुनो मीडिया के जानकारी दिहले कि पुलिस नारा में घटनास्थल से एगो संदिग्ध के गिरफ्तार क लेले बिया। मात्सुनो कहले कि अयीसन बर्बर काम पूरा तरीका से अक्षम्य बा, चाहे एकर कारण कवनो होखे अवुरी हमनी के एकर कड़ा निंदा करतानी।
Comments are closed.