पंजाबी सिंगर अउरी कांग्रेस नेता सिद्धू मूसेवाला हत्याकांड के गोरखपुर कनेक्शन सामने आइल त पुलिस अलर्ट हो गइल बा। अंबाला में असलहा के साथ पकड़ल गईल शॉर्प शूटर शशांक पांडेय गोरखपुर के कैंट इलाके के सिंघड़िया आदर्शनगर का रहे वाला बा। शशांक के कुंडली अब गोरखपुर पुलिस खंगाल रहल बिया। पंजाब पुलिस गोरखपुर पुलिस से शशांक के हर गतिविधि के जानकारी मंगले बा। फिलहाल गोरखपुर में ओकरे मकान पर दू साल से ताला बंद बा। कुछ साल पहिले पिता के मौत के बाद ओकर माई गांव चल गइली।
पुलिस सूत्र के कहनाम बा कि लारेंस विश्नोई अउरी गोल्डी बराड़ गैंग के शशांक असलहा सप्लाई करत रहल। ओकर गोरखपुर आईल-गइल लागल रहत रहल। मूसेवाला के हत्या के बाद 21 जून के शशांक गोरखपुर आ के दोस्तन के संगे पार्टी कइले रहल। शशांक मूल रूप से बिहार के पश्चिम चंपारण जिला के रहे वाला बा।
गोरखपुर पुलिस के नाई मिलत रहल शशांक के क्राइम रिकॉर्ड
SP सिटी कृष्ण कुमार विश्नोई बतवले कि अभिन शशांक के इहां कौनों क्राइम रिकॉर्ड नाई मिलल। ऊ मूल रूप से बिहार के पश्चिम चंपारण के मैनाटारह में चुठहा गांव का रहे वाला बा। ओंकर पिता नित्यानंद पांडेय 10 साल पहिले नौकरी के तलाश में परिवार के साथ गोरखपुर आईल रहले। सिंघड़िया में बंद हो चुकल नमकीन फैक्ट्री के खरीद लेहले। 5 साल पहिले नित्यानंद के मौत हो गइल।
शशांक अउरी उनके तीन सारहल अंबाला में अरेस्ट
अंबाला में पुलिस के CIA- ब्रांच 24 जुलाई के शशांक अउरी उसके तीन साथियन के गिरफ्तार कइले बा। ओकर तीन संघतिया अंबाला छावनी के बब्याल के रहे वाला बा। ओकरे लग्गे पुलिस के कई असलहा अउरी कारतूस भी मिलल बा। शशांक बिहार के मुंगेर से तस्करी कर असलहा के सप्लाई करत रहल। उ अंबाला पुलिस के सामने ई बात कबूल कइलस।
हत्या के लिए UP से गइल रहल AK-47
नेशनल इंवेस्टीगेशन एजेंसी यानी NIA एह हत्याकांड में उत्तर प्रदेश सहित उत्तराखंड, दिल्ली अउरी पंजाब के कनेक्शन के भी खंगालल जा रहल बा। हत्या खातिर AK-47 जइसन हथियार यूपी के बुलंदशहर से खरीदले के बात पहिलही सामने आ चुकल बा। अइसे में अब ई हत्याकांड कनेक्शन गोरखपुर से भी जुड़त जा रहल बा।
