आरबीआई के नया सुविधा : वर्तमान में बैंकिंग क्षेत्र में कुछ नया बदलाव देखल जा रहल बा। एह रोज के बदलाव में अब नया बदलाव एटीएम मशीन से पईसा निकाले के बा। पहिले जहाँ एटीएम के पईसा निकाले खातीर रोज एटीएम कार्ड चाहे डेबिट कार्ड के जरूरत रहे। त अब एकरा बिना लेनदेन क सकेनी। देश के सबसे बड़ बैंक एसबीआई एकरा बिना भी अपना ग्राहक खातीर कार्डलेस लेनदेन क सकता। देश के बड़का बैंक एसबीआई आ बीओबी अपना ग्राहकन खातिर इंटरऑपरेबल कैश विड्रॉल के सुविधा शुरू क दिहले बा। एह सुविधा के शुरूआत के बाद बिना कार्ड के भी पईसा निकाल सकेनी।
एह अप्रैल में आरबीआई एगो एलान कइले बिया कि ऊ देश के सगरी बैंक एटीएम से इंटरऑपरेबल कार्डलेस कैश निकासी के अनुमति देत बिया। ई लेनदेन यूनिफाइड पेमेंट्स इंटरफेस के सुविधा के इस्तेमाल से कइल जाला। बीओबी के मुख्य डिजिटल अधिकारी अखिल हांडा के कहनाम बा कि बैंक के ओर से दिहल गईल इंटरऑपरेबल कार्डल कैश विथड्रॉल सुविधा से ग्राहक के बिना कार्ड के इस्तेमाल कईले पईसा निकाले के आजादी मिलेला। इ एगो सरल, सुविधाजनक अवुरी सुरक्षित तरीका ह।
इंटरऑपरेबल कार्डलेस सेवा
इंटरऑपरेबल कार्डलेस कैश निकासी सुविधा के इस्तेमाल से रउआ यूपीआई सुविधा के इस्तेमाल क के कवनो बैंक एटीएम से नकदी निकाल सकेनी। जईसे कि, जदी आपके खाता यूनियन बैंक ऑफ इंडिया में बा, लेकिन पास में सिर्फ एसबीआई एटीएम बा, त आप यूपीआई क्यूआर कैश के इस्तेमाल क के कवनो बैंक के इंटरऑपरेबल कार्डलेस कैश एटीएम से पईसा निकाल सकतानी। एटीएम के स्क्रीन पs सिंगल यूज क्यूआर कोड के माध्यम से लेनदेन क सकेनी। यूपीआई एप्लीकेशन पs दिहल गईल स्कैन अवुरी पे सुविधा के इस्तेमाल क के यूजर आसानी से पईसा निकाल सकतारे।
ई सेवा कइसे काम करेले
दूसर ओर, जदी आपके एसबीआई खाता बा अवुरी यूपीआई के इस्तेमाल क के बैंक के एटीएम से नकदी निकालल चाहतानी त आपके मोबाइल बैंकिंग सुविधा वाला मोबाइल हैंडसेट पs एसबीआई योनो चाहे योनो लाइट ऐप इंस्टॉल करे के होई। अब एटीएम के स्क्रीन पs क्यूआर कैश चुने के होई। नगद निकाले खातिर रउरा लगे दू हजार आ चार हजार रुपिया के दू गो विकल्प बा। अपना जरूरत के मुताबिक कवनो विकल्प चुनी अवुरी योनो ऐप में क्यूआर कैश निकासी विकल्प के इस्तेमाल क एटीएम स्क्रीन पs देखावल क्यूआर कोड के स्कैन करीं। एकरा बाद एटीएम से नकद पईसा निकालल जाई। बीओबी अवुरी बाकी बैंक भी अपना मोबाइल बैंकिंग ऐप के माध्यम से यूपीआई के सुविधा के इस्तेमाल क नकदी निकाले के इहे सुविधा देवेले।
केतना पईसा निकालल जा सकता
बता दीं कि यूपीआई एटीएम के सुविधा के माध्यम से आप हर महीना अधिकतम एक लाख रुपया निकाल सकतानी। एकर कारण बा कि आरबीआई के दिशा-निर्देश के मुताबिक यूपीआई के माध्यम से हर महीना एक लाख रुपया तक के लेनदेन हो सकता। हालांकि ए सुविधा के इस्तेमाल क के निकासी पs बैंक के ओर से सीमा भी लगावल गईल बा। जइसे कि यूपीआई सुविधा के इस्तेमाल से बीओबी के ग्राहक हर खाता से दू गो लेनदेन कर सकेलें जवना के निकासी के सीमा हर दिन 5000 रुपिया बा।
ग्राहक के एतना फायदा होई
एह नया सुविधा से राउर सुरक्षा भी बढ़ी। एकरा से आप कबो भी बिना कार्ड के पईसा निकाल सकेनी। विशेषज्ञ के मुताबिक अब लोग के मोबाइल के माध्यम से भुगतान करे के आदत पड़ गईल बा। अब उ यूपीआई के माध्यम से मोबाइल से पईसा निकाल सकेले। दोसरा तरफ अगर कवनो कारण से राउर लेनदेन फेल हो गइल त सात दिन के भीतर पइसा वापस कs दिहल जाई।
