माघ पूर्णिमा से पहिले प्रयागराज के महाकुंभ में श्रद्धालु के भारी भीड़ जुटल बा। शहर के मेला में भीड़ के देखत प्रयागराज के सभ बोर्ड के सभ माध्यमिक विद्यालय में शुक के (7 फरवरी) से 12 फरवरी (माघ पूर्णिमा) ले ऑनलाइन कक्षा चलावल जाई। अधिकारी इs जानकारी देले।
7 से 12 फरवरी ले ऑनलाइन क्लास चली
प्रयागराज जिला मजिस्ट्रेट के ओर से जिला स्कूल निरीक्षक के जारी आदेश के मुताबिक छात्र के परिवहन में असुविधा से बचे अवुरी छात्र के हित में सभ बोर्ड के माध्यमिक विद्यालय के कक्षा 7 फरवरी से 12 फरवरी ले ऑनलाइन चलावल जाई।
शिक्षक लोग के स्कूल जाए के निर्देश
आदेश के मुताबिक सभ छात्र के ऑनलाइन क्लास जारी रही अवुरी सभ शिक्षक समय से स्कूल पहुंच के चलत प्रयोगात्मक परीक्षा अवुरी गृह परीक्षा निर्धारित समय के मुताबिक करीहे।
महाकुंभ में भीड़ के देखत भइल निर्णय
बता दीं कि बियफ़ें के रात 8 बजे ले गंगा अवुरी संगम में 77.20 लाख से जादे भक्त नहाले अवुरी 13 जनवरी से अब तक करीब 40 करोड़ भक्त महाकुंभ में नहा चुकल बाड़े। महाकुंभ मेला खातिर भारत आ विदेश से भारी संख्या में श्रद्धालु प्रयागराज पहुंच रहल बाड़े।
इहो पढ़ीं: Lifestyle: नींबू से दांत कइसे साफ करीं? सफेद आ चमकदार दांत खातीर अपनाई इs असरदार तरीका
