प्रधानमंत्री नरेन्द्र मोदी असम के वसंत उत्सव ‘रोंगाली बिहू’ के पहिला दिने सुक के, एक दिवसीय यात्रा पs गुवाहाटी पहुंचलें। गुवाहाटी एयरपोर्ट पs राज्यपाल गुलाब चंद कटारिया आ मुख्यमंत्री हिमंत बिस्वा सरमा प्रधानमंत्री मोदी के अगवानी कइलें।
ऊ इहां 14,300 करोड़ रुपिया के लगात के अलग-अलग विकास परियोजनन के उद्घाटन आ शिलान्यास कइलें। प्रधानमंत्री 1120 करोड़ रुपिया के लागत से तइयार गुवाहाटी एम्स के लोकार्पण कइलें, जवना के आधारशिला ऊ मई 2017 में रखले रहस। एकरा अलावे ऊ 500 बेड वाला 3 मेडिकल कॉलेजन नलबाड़ी मेडिकल कॉलेज, नागांव मेडिकल कॉलेज आ कोकराझार मेडिकल कॉलेज के असम के जनता के समर्पित कइलें।
Comments are closed.