प्रधानमंत्री किसान सम्मान निधि योजना के केंद्र सरकार के ओर से गरीब वर्ग के किसानन खातिर चलावल जाला। एह योजना के अंतर्गत हर चार महीना में 2-2 हजार रुपया तीन किस्त में यानी सालाना 6 हजार रुपया किसानन के दिहल जाला। अब ले पात्र किसानन के 11 किस्त के पइसा जारी कइल जा चुकल बा अउर अब सबके 12वीं किस्त के अगोरा बा। लेकिन किस्त अइले से पहिले आप आपन नाम स्टेटस में चेक कs सकतनी।
अइसे चेक कs सकतनी लिस्ट में नाम:-
स्टेप 1
- अगर आप पीएम किसान योजना से जुड़ल बानीं अउर अगर आप आपन नाम योजना के लाभार्थी सूची में देखना चाहsतनी, त एकरे खातिर आप के सबसे पहिले पीएम किसान के आधिकारिक पोर्टल pmkisan.gov.in पर जाए के बा।
स्टेप 2
- आपके पोर्टल पर जा के फॉर्मर कॉर्नर वाला विकल्प नजर आई, जौने पर आप के क्लिक करेके बा। फिर आप के बेनिफिशरी लिस्ट पर भी क्लिक कर देईं।
स्टेप 3
- एकरे बाद आपसे इहां पर कुछ जानकारी मांगल जाई, जिनके आपके दर्ज कs देहल जाई। अइसन कइले के बाद सबमिट पर क्लिक करीं अउरी फिर आपके सामने लाभार्थियन के सूची आ जाई, जेमें आप आपन नाम भी चेक कs सकतनी।
12वीं किस्त कब आ सकsता?
- अब ले किसानन के 11 किस्त मिल चुकल बा, अउरी 11वीं किस्त 31 मई 2022 के आइल रहे। अइसन में अब सबके 12वीं किस्त के अगोरा बा। मीडिया रिपोर्ट्स के मानल जाव त अक्तूबर महीना में कौनो भी दिन 12वीं किस्त जारी हो सकsता। हालांकि, सरकार के तरफ से आधिकारिक घोषणा के अगोरा बा।
