जापान के राजधानी टोक्यो के हानेडा एयरपोर्ट पs एगो प्लेन में आग लाग गइल। जापानी न्यूज एजेंसी क्योडो के मोताबिक, आशंका बा कि लैंडिंग से पहिले विमान कोस्ट गार्ड के प्लेन से टकरा गइल रहे। फिलहाल फायर डिपार्टमेंट के कर्मचारी आग बुझावे के कोसिस कs रहल बा लो।
हादसा में नुकसान से जुड़ल कवनो जानकारी फिलहाल सामने नइखे आइल। जापान एयरलाइन्स के एगो प्रवक्ता बतवलें कि होकाइडो के शिन-चितोसे एयरपोर्ट से रवाना भइल विमान में करीब 367 पैसेंजर्स आ 12 क्रू मेंबर्स सवार रहे लो। सभे के प्लेन से निकालल जा चुकल बा। जापान के ट्रांसपोर्ट मिनिस्ट्री ममिला के जांच कs रहल बिया।
