पाकिस्तान में सत्ता से बेदखल भइल पूर्व प्रधानमंत्री इमरान खान गुरुवार के अपना राजनीतिक प्रतिद्वंदी के कड़ा चेतावनी देत कहले कि शाहबाज सरकार के या त नया चुनाव करावे के चाही या फिर अवुरी विरोध के सामना करे खातिर तैयार रहे के चाही। इमरान खान राजधानी इस्लामाबाद में हजारन समर्थकन के नेतृत्व करत घरी ई चेतावनी दिहले बाड़न.
पाकिस्तान के प्रधानमंत्री रहल इमरान खान के सैकड़न समर्थकन वाला काफिला बुध का दिने आगे बढ़ गइल आ उनुका के रोके खातिर सरकार के ओर से लगावल गइल बाधा के साफ कर दिहलसि. एकरा संगे-संगे सुप्रीम कोर्ट अधिकारियन के इस्लामाबाद में विरोध रैली के अनुमति देवे के निर्देश दिहलस अवुरी खान के गिरफ्तारी से सुरक्षा दिहलस। इमरान के काफिला इस्लामाबाद पहुंचते राजधानी में झड़प शुरू हो गईल। राजधानी के घेराबंदी कर दिहल गइल आ देश भर में पुलिस आ प्रदर्शनकारियन का बीच झड़प हो गइल.
पिछला महीना अविश्वास वोट का माध्यम से सत्ता से बेदखल भइला का बाद से क्रिकेट स्टार से राजनीतिज्ञ बनल इमरान खान जन विरोध प्रदर्शन क के देश के नाजुक नया गठबंधन सरकार पर दबाव बनवले बाड़न. इमरान दावा कईले रहले कि उनुका के ‘विदेशी साजिश’ के तहत ए पद से हटा दिहल गईल बा।
बुधवार के रात हजारों लोग के भीड़ के संबोधित करत इमरान खान कहले कि, हम ए आयातित सरकार के संदेश दिहल चाहतानी कि उ 6 दिन के भीतर चुनाव के घोषणा करे, विधानसभा के भंग क के जून में चुनाव करावल जाए। उ चेतवले कि चुनाव ना भईल त अगिला हफ्ता एगो नाया रैली शुरू करीहे, अवुरी अपना समर्थक से तितर-बितर होखे के आह्वान कईले। इमरान खान के सत्ता से बेदखल करे खातिर एकजुट भइल गठबंधन सरकार बार-बार कहत आइल बिया कि ओकरा लगे चुनाव करावे के कवनो योजना नइखे.
एगो ट्रक से मार्च के नेतृत्व करत 69 साल के पूर्व प्रधानमंत्री खान ट्वीट कईले कि, “एह आयातित सरकार के ओर से प्रायोजित कवनो अत्याचार अवुरी फासीवाद हमनी के मार्च के रोक नईखे सकत।”खान अपना समर्थक के संगे शाम के करीब 6 बजे पंजाब में प्रवेश कईले। एकरा से पहिले खान के समर्थक काफिला के रोके खाती अट्टॉक पुल प सरकार के ओर से लगावल गईल बाधा के हटा देले।
