Asia Cup 2022 PAK vs HK T20: हॉन्गकॉन्ग के टीम 38 पs ऑलआउट, पाकिस्तान 155 रन से जीतल, अब अतवार के भारत से मुकाबला

एशिया कप के छठा मुकाबला पाकिस्तान आ हॉन्गकॉन्ग के बीच खेलल गइल। पाकिस्तान हॉन्गकॉन्ग के 155 रन से हरा देलस। उ सुपर-4 में जगह बनवलस। उहां ओकर पहिला मुकाबला भारत से अतवार के होई। हॉन्गकॉन्ग के टीम 38 रन पs ऑलआउट हो गइल। एशिया कप में कवनो टीम के ई न्यूनतम स्कोर हs।

पाकिस्तान हॉन्गकॉन्ग के रिकॉर्ड 155 रन से हरा देलस। उ पूल-ए के अपना अंतिम मैच मे हॉन्गकॉन्ग के 38 रन पs ऑलआउट कs देलस। हॉन्गकॉन्ग टॉस जीतके पहिले गेंदबाजी के फसीला कइलस। पाकिस्तान 20 ओवर में 2 विकेट पs 193 रन बनवलस। जवाब में हॉन्गकॉन्ग के टीम 10.4 ओवर में 38 रन पs सिमट गइल। पाकिस्तान के टी20 में ई सबसे बड़ जीत हs। ओकर पिछला बड़ जीत वेस्टइंडीज के खिलाफ 2018 में कराची स्टेडियम में 143 रन के रहे। पाकिस्तान एह जीत के साथे सुपर-4 में आपन जगे बनवलस। उहां ओकर पहिला मुकाबला भारत से अतवार के होई। दूनों टीम एह टूर्नामेंट में दूसरा बेर आमने-सामने होई। भारत पिछला अतवार के ओकरा के पांच विकेट से हरवले रहे।